Rodriguez
Sixto Rodriguez (beter bekend as slegs Rodriguez; (10 Julie 1942 - 8 Augustus 2023) was 'n Amerikaanse folkmusikant uit Detroit, Michigan. Onbekend aan Rodriguez, het sy musiek veral suksesvol in apartheid Suid-Afrika geword.
Sixto Rodriguez | |
|---|---|
 Sixto Rodriguez in 2007 | |
| Agtergrondinligting | |
| Geboortenaam | Sixto Diaz Rodriguez |
| Ook bekend as | Rod Riguez, Rodriguez, Jesús Rodríguez |
| Gebore | 10 Julie 1942 Detroit, Michigan |
| Sterf | 8 Augustus 2023 (op 81) |
| Genres | Rock, folk, psychedelic rock, blues |
| Beroep(e) | Sanger-liedjieskrywer, kitaarspeler, digter, opgrawingswerker, afbreekwerker |
| Instrumente | Stem, kitaar |
| Jare aktief | 1967–1973, 1979–1981, 1998–2023 |
| Etikette | Sussex, RCA, Impact, Light in the Attic |
| Webwerf | sugarman.org |
Alhoewel sy loopbaan aanvanklik met min fanfare in die Verenigde State ontvang is, het hy sukses gevind in Suid-Afrika, Australië (wat twee keer deur die land getoer het in sy vroeëre loopbaan) en Nieu-Seeland. Sonder dat hy dekades lank daarvan geweet het, was sy musiek uiters suksesvol en invloedryk in Suid-Afrika, waar hy glo meer plate verkoop het as Elvis Presley,[1][2] sowel as ander lande in Suider-Afrika. Inligting oor hom was skaars, en daar was verkeerdelik gerugte dat hy selfmoord gepleeg het kort nadat hy sy tweede album vrygestel het.[3]
In die 1990's het vasberade Suid-Afrikaanse aanhangers daarin geslaag om Rodriguez te vind en te kontak, wat gelei het tot 'n onverwagse herlewing van sy musikale loopbaan. Dit is vertel in die 2012 Oscar-bekroonde dokumentêre rolprent Searching for Sugar Man en het Rodriguez gehelp om 'n mate van roem in sy tuisland te bekom. In Mei 2013 het Rodriguez 'n eredoktorsgraad in Humane Letters van sy alma mater, Wayne Staatsuniversiteit, in Detroit ontvang.
Rodriguez het in Detroit se historiese Woodbridge-woonbuurt gewoon, waardeur hy stap in Searching for Sugar Man. Hy het 'n eenvoudige lewe gelei, geen telefoon gehad nie, en het soms kroeë in die Cass Corridor-gedeelte van Detroit naby Woodbridge en Midtown besoek, soos die Old Miami kroeg, waar hy lewendige konserte vir klein plaaslike skares uitgevoer het.
Verwysings
wysig- ↑ Malitz, David (26 Julie 2012). "'Searching for Sugar Man' documentary rediscovers musician Sixto Rodriguez". Washington Post (in Engels (VSA)). ISSN 0190-8286. Besoek op 13 Mei 2018.
- ↑ Malik Bendjelloul, director. Searching for Sugar Man. StudioCanal, 2012.
- ↑ Petridis, Alexis (6 Oktober 2005). "The singer who came back from the dead". the Guardian (in Engels). Besoek op 13 Mei 2018.
Eksterne skakels
wysig
Wikimedia Commons het meer media in die kategorie Rodriguez.- (en) Amptelike webwerf
- (en) Rodriguez in die Internet-rolprentdatabasis
