Sjtsjastja
Sjtsjastja (Oekraïens: Ща́стя) is 'n stad en die administratiewe sentrum van die Sjtsjastja-distrik in die Loehansk-oblast in Oekraïne. Die bevolking van die stad is in 2022 op sowat 11 411 geraam. Die Loehansk-kragstasie, 'n groot kragaanleg wat in die 1950's gebou is, is noord van Sjtsjastja geleë. Die dorp is aan die Donetsrivier geleë. Tydens die pro-Russiese onrus van 2014 in Oekraïne het die stad 'n sleutelplek van gevegte geword.
Russies-Oekraïense Oorlog
wysigSjtsjastja is deur die separatistiese Volksrepubliek Loehansk beheer van laat April 2014 tot die Oekraïense weermag die stad op 14 Junie 2014 teruggeneem het.[1] Dit is hoofsaaklik deur die vrywillige vegters van die Aidar-bataljon herwin, wat volgens Amnestie Internasionaal toe met "byna geen toesig of beheer nie" oorlogsmisdade in Sjtsjastja en naburige stede gepleeg het.[2] Volgens inwoners van Sjtsjastja het hierdie gedrag voortgeduur totdat Aidar in die lente van 2015 by die Oekraïense weermag ingelyf is.[3]
Verwysings
wysig- ↑ "Терористи почали обстріл Луганська із "Граду" - джерело". Ukrainska Pravda (in Oekraïens). 16 Junie 2014.
- ↑ Koshiw, Isobel; Vlasova, Anastasia (31 Julie 2017). "Growing up apolitical in Ukraine's war zone". openDemocracy (in Engels).
- ↑ Koshiw, Isobel; Vlasova, Anastasia (31 Julie 2017). "Growing up apolitical in Ukraine's war zone". openDemocracy (in Engels).
