Slag van Elandslaagte

Die Slag van Elandslaagte het plaasgevind op 21 Oktober 1899 by Elandslaagte in KwaZulu-Natal, Suid-Afrika tydens die Tweede Vryheidsoorlog.

Slag van Elandslaagte
Deel van Tweede Vryheidsoorlog
Posisies vroeg die middag, voor die slag.
Datum 21 Oktober 1899 Ligging Elandslaagte, KwaZulu-Natal, Suid-Afrika Resultaat Britse oorwinning
Strydende partye
Verenigde Koninkryk	Zuid-Afrikaansche Republiek
Bevelvoerders
John French Ian Hamilton	Generaal Kock †
Sterkte
2500 18 kanonne	1000 3 kanonne
Ongevalle
237	350

Die slagveld.

'n Skets van die slag deur Richard Caton Woodville.

Generaal Kock met sy persoonlike staf en offisiere van die Duitse Korps

Agtergrond

Generaal Johannes Kock en 700 man is opdrag gegee om die spoorlyn tussen Ladysmith en Dundee op te blaas. Dit sou die Britte daarvan weerhou het om troepe per trein na die Transvaal te stuur. Kock het egter te naby die Britse vesting by Ladysmith verby beweeg en sy posisie het aan die Britte bekend geraak.

Die geveg

Toe generaal sir George White, bevelvoerder van Ladysmith, bewus geraak het van die Boere het hy generaal John French met 'n sterk mag gestuur om hulle te verdryf – waarin hy geslaag het. Dit was een van die vroeë Britse suksesse van die oorlog. 'n Aanval deur die Lansiers het swaar verliese veroorsaak. Generaal Kock het later in gevangeskap aan sy wonde beswyk.

Sien ook

• Skermutselinge van die Tweede Vryheidsoorlog

Bronne

• The Hall Handbook of the Anglo-Boer War. Major Darrell Hall. ISBN 0-86980-943-1
• Op Pad in Suid-Afrika. B.P.J. Erasmus. 1995 ISBN 1-86842-026-4

Eksterne skakels

• Wikimedia Commons het meer media in die kategorie Slag van Elandslaagte.