Skermutselinge van die Tweede Vryheidsoorlog

Skildery van Richard Caton Woodville wat die oorlog van Boere teen Britte uitbeeld, 1900.

Illustrasie van De la Rey se oorwinning oor Lord Methuen by Tweebosch, geskets deur Richard Caton Woodville

Boere se aanval by Bakenlaagte.

Skets van die Slag van Donkerhoek, deur William Barnes Wollen.

Die eerste fase van die Tweede Vryheidsoorlog het uit tradisionele front aanvalle en loopgraaf oorlog bestaan. Die laaste frontale aanslag was die Slag van Bergendal 21-27 Augustus 1900. Maar reeds voor dit het die Boeremagte oorgegaan tot guerilla-oorlogvoering. Hier is 'n lys skermutselinge wat plaasgevind het.

Inhoud

1899

• 12 Oktober – Slag van Kraaipan.
• 30 Oktober – Slag van Nicholsonsnek.
• 23 November – Slag van Willow Grange.

1900

• 1 Januarie – Slag van Sunnyside
• 23 – 24 Januarie – Slag van Spioenkop
• 10 Maart – Slag van Abrahamskraal.
• 25 Maart – Slag van Brandfort.
• 31 Maart – Sannaspos, Vrystaat
• 4 April – Reddersburg, Vrystaat. Genl. De Wet neem 'n Britse garnisoen van 600 man gevange.
• 10 April – Beleg van Wepener, Vrystaat deur Genl. De Wet. Die garnisoen hou vir 16 dae uit.
• 31 Mei – Lindley, Vrystaat. Genl Piet de Wet verslaan die 13th Battalion Imperial Yeomanry, dood en wond 80 soldate en neem 530 Britse soldate gevangene.
• 7 Junie – Slag van Roodewalstasie, Vrystaat. Genl. De Wet neem 672 Britse soldate gevange en buit 56 waens met voedsel en voorrade ammunisie.
• 11 – 12 Junie – Slag van Donkerhoek.
• 11 Julie – Slag van Silkaatsnek, Transvaal. Genl. De la Rey neem 189 soldate van die Scots Greys and Lincolns gevange.
• 11 Julie – Slag van Dwarsvlei, Sarel Oosthuizen verslaan 'n Britse mag.
• 11 Julie – Slag van Onderstepoort, generaal Freek Grobler verslaan 'n Britse mag.
• 15 – 31 Julie – Brandwater, Vrystaat. Genl. Marthinus Prinsloo gee oor met 3,000 man aan die Britse Magte.
• 6 November – Bothaville, Vrystaat. Pres. M.T. Steyn en Genl. De Wet word verras deur Majoor-Generaal Knox maar slaag tog daarin om te ontsnap.
• 19 November – Generaal Christiaan de Wet val die garnisoen by Dewetsdorp aan. Hulle gee oor na vier dae.
• 29 November – Die Slag van Renosterkop vind plaas. Genl. Ben Viljoen behaal 'n oorwinning oor Genl. Arthur Paget.
• 13 Desember – Slag van Nooitgedacht, Transvaal. Genls. De la Rey, J.C. Smuts en C.F. Beyers oorrompel 'n Britse kamp onder beheer van Majoor-Generaal RAP Clements.
• 29 Desember – Slag van Helvetia, Transvaal. Genl. Ben Viljoen verras 'n Britse garnisoen en neem 235 soldate gevange.

1901

• 31 Januarie – Modderfontein, Transvaal.
• 10 – 28 Februarie – De Wet val die Kaap binne.
• 29 Mei – Slag van Vlakfontein
• 4 September – Smuts val die Kaap binne.
• 17 September – Elandsrivier op die plaas Moddefontein: Genl. Smuts val 'n buite pos, beman deur die 17th Lancer, aan
• 17 September – Slag van Bloedrivierpoort, Natal. Genl. Louis Botha oorrompel die Mounted Infantry onder beheer van Luitenant-Kolonel H de la P Gough.
• 26 September – Onsuksesvolle aanvalle op die Britse forte Itala en Prospect, Natal deur Genl. Botha.
• 24 Oktober – Slag van Kleinfontein naby Groot Marico, Wes-Transvaal.
• 30 Oktober – Slag van Bakenlaagte, Transvaal. Genl Louis Botha val 'n Britse mag aan onder beheer van Luitenant-Kolonel G.E. Benson. Benson sterf tydens die aanval.
• 25 Desember – Tweefontein, Oos-Vrystaat. Genl. De Wet verslaan 'n klein Britse mag.

1902

• 25 Februarie – Slag van Ysterspruit, Wes-Transvaal. Genl. De la Rey val 'n Britse mag aan en buit muile, perde en 500 000 rondtes ammunisie.
• 7 Maart – Slag van Tweebosch, Wes-Transvaal. Genl. De la Rey word aangeval deur Lord Methuen maar slaan die aanval af, wond en neem Methuen gevange.
• 31 Maart – Slag van Boschbult, Wes-Transvaal. Genl. De la Rey raak slaags met Britse magte met swaar ongevalle aan beide kante.
• 1 April – Boschman's Kop, Transvaal. Britse magte verras Genls. H.A. Alberts en P.R. Viljoen. Hulle hergroepeer, val die Britse magte aan en verdryf hulle gedurende die dag.
• 11 April – Slag van Rooiwal, Wes-Transvaal: 'n Britse mag onder bevel van generaal Ian Hamilton het slaags geraak met die kommandos van generaal Jan Kemp.
• 6 Mei – Holkrans, Natal. 56 Boere word doodgemaak deur Zoeloes.

Bron

The Hall Handbook of the Anglo Boer War. Darren Hall. 1999. ISBN 0-86980-949-0