Wepener
Wepener is 'n dorp in die Vrystaat, 130 km suidoos van Bloemfontein, naby die grens met Lesotho. Die R26 hoofpad gaan deur die dorp.
Wepener | |
|---|---|
Dorp | |
 'n Uitsig oor Wepener | |
  Wepener Wepener se ligging in Vrystaat | |
| Koördinate: 29°44′0″S 27°2′0″O / 29.73333°S 27.03333°OKoördinate: 29°44′0″S 27°2′0″O / 29.73333°S 27.03333°O | |
| Land |  Suid-Afrika |
| Provinsie | Vrystaat |
| Distrik | Xhariep |
| Munisipaliteit | Naledi |
| Stigting | 1867 |
| Oppervlak | |
| • Totaal | 36,30 km2 (14 02 vk, m,) |
| Hoogte | 1 099 m (3 606 ft) |
| Bevolking (2011)[1] | |
| • Totaal | 1 281 |
| • Digtheid | 35/km2 (90/vk, m,) |
| Rasverdeling (2011) | |
| • Blank | 13.2% |
| • Indiër/Asiër | 4.5% |
| • Kleurling | 17.1% |
| • Swart | 64.0% |
| • Ander | 1.2% |
| Taal (2011) | |
| • Suid-Sotho | 51.7% |
| • Afrikaans | 35.1% |
| • Engels | 5.2% |
| • Ander | 8.0% |
| Poskode (strate) | 9944 |
| Poskode (posbusse) | 9944 |
| Skakelkode | 051 Plaaslyne: 05232 |
GeskiedenisWysig
Die dorp is gestig in 1867 ter nagedagtenis aan Louw Wepener, 'n held van die Basoeto-oorloë wat in 1865 tydens 'n militêre konfrontasie met die Basoetos doodgeskiet is. Die dorp is geleë aan die Jammersbergspruit, 'n sytak van die Caledonrivier. Die NG gemeente is in 1870 gestig en die dorp het sy eerste bestuursraad in 1875 verkies.
DistrikWysig
Die distrik is 1 725 km² groot. Gemengde boerdery word beoefen. Die grensdorp in Lesotho is Mafeteng en Van Rooyenshek is die grenspos tussen die twee dorpe.
Tweede VryheidsoorlogWysig
In die Wepener distrik het heelwat gevegte plaasgevind gedurende die 19de eeu. Gedurende die Anglo-Boere-oorlog in April 1900 is 2000 Britse soldate vir 17 dae deur genl Christiaan de Wet se magte beleër totdat versterkings op 25 April 1900 opgedaag het. Die Britse magte in die dorp is deur Kolonel E.H. Dalgety gelei.
Persone geboreWysig
- Jim Fouché (1898-1980), die derde Staatspresident van Suid-Afrika is gebore in Wepener.
Sien ookWysig
BronneWysig
- Op Pad in Suid-Afrika. B.P.J. Erasmus. 1995. ISBN 1-86842-026-4
- Ensiklopedie van Suidelike Afrika, Eric Rosenthal, 1967.
- ↑ 1,0 1,1 1,2 1,3 "Hoofplek Wepener". Sensus 2011.
Eksterne skakelsWysig
Wikimedia Commons het meer media in die kategorie Wepener.- Southern Africa Places:Wepener
