Slag van Guadalcanal

Die Slag van Guadalcanal het tydens die Tweede Wêreldoorlog in die Salomonseilande tussen Japannese magte en Geallieerde magte plaasgevind. Dit was die eerste offensief wat die Geallieerdes teen Japan na die aanval op Pearl Harbor en Slag van Midway gevoer het. Die slag is bekend vir die bittere gevegte op land en verskeie seegevegte tussen die twee lande se vlote.

Slag van Guadalcanal
Deel van Tweede Wêreldoorlog

November 1942 – VSA Marienesoldate rus in die veld.
Datum 7 Augustus 1942 – 9 Februarie 1943
Ligging Salomonseilande
Resultaat Strategiese oorwinning vir Geallieerde magte
Strydende partye
Geallieerde magte, insluitende:
Vlag van Verenigde State van Amerika VSA
Vlag van Australië Australië
Vlag van Nieu-Seeland Nieu-Seeland
Vlag van Verenigde Koninkryk Verenigde Koninkryk
Vlag van Japannese Keiserryk Japan
Bevelvoerders
Vlag van Verenigde State van Amerika Robert L. Ghormley
Vlag van Verenigde State van Amerika William Halsey Jr.
Vlag van Verenigde State van Amerika Richmond K. Turner
Vlag van Verenigde State van Amerika Alexander A. Vandegrift
Vlag van Verenigde State van Amerika Alexander Patch
Vlag van Japan Isoroku Yamamoto
Vlag van Japan Nishizo Tsukahara
Vlag van Japan Jinichi Kusaka
Hitoshi Imamura
Harukichi Hyakutake
Sterkte
60 000 man (grondmagte) 36 200 man (grondmagte)
Ongevalle
7 100 dood
4 gevang
29 skepe verloor
615 vliegtuie verloor
31 000 dood
1 000 gevang
38 skepe verloor
683–880 vliegtuie verloor

Op 7 Augustus 1942 het 19 000 Amerikaanse seesoldate onder bevel van Majoor-generaal Alexander A. Vandegrift op die eilande Tulagi en Guadalcanal geland. Tulagi is binne 'n paar dae oorgeneem. Op Guadalcanal het die seesoldate die vliegveld (daarna Henderson-vliegveld genoem) binne 'n paar dae oorgeneem en in bedryf gestel. Daarna het dit hulle nog maande geneem om die strawwe Japannese weerstand deur bloedige gevegte te oorkom en die eiland oor te neem. Die Japannese het op 7 Februarie 1943 finaal van die eiland onttrek en op 9 Februarie 1943 het die Geallieerdes die eiland veilig verklaar.

Seeslagte om en by Guadalcanal wysig

Daar was verskeie gevegte tussen die Geallieerde en Japanese vlote tydens die slag. Party van die seeslagte het by Guadalcanal plaasgevind, terwyl ander verder van die eiland was soos die twee magte mekaar se versterkings en logistieke planne in die wiele probeer ry het. Die Japanese Vloot het ook tevergeefs probeer om Henderson-vliegveld te bombardeer.

  • 9 Augustus 1942 – Seeslag van Savo-eiland.
  • 23-25 Augustus 1942 – Seeslag van die Oostelike Salomonseilande.
  • 11-12 Oktober 1942 – Seeslag van Kaap Esperance
  • 26-27 Oktober 1942 – Seeslag van Santa Cruz
  • 12 November 1942 – Aksie suid van Savo-eiland
  • 14-15 November 1942 – Tweede aksie van Savo-eiland
  • 30 November – 1 Desember 1942 – Seeslag van Tassafaronga

Bron wysig