South32

South32 Beperk is 'n maatskappy betrokke in die mynbou in Suider-Afrika, Australië en Noord- en Suid-Amerika. Die firma myn bauxiet, alumina, aluminium, steenkool, mangaan, nikkel, silwer, lood en sink.

South32
Tipe	Aandelemaatskappy
Gestig	25 Mei 2015
Hoofkantoor	Perth, Wes-Australië, Australië
Sleutelpersone	Graham Kerr (hoof- uitvoerende beampte) Brendan Harris (hoof- finansiële beampte) Paul Harvey (president & hoofbedryfsbeampte Australië) Mike Fraser (president & hoofbedryfsbeampte Suid-Afrika)
Gebied bedien	wêreldwyd
Industrie	Mynbou
Produkte	Aluminium, steenkool, lood, mangaan, nikkel, silwer, sink
Inkomste	$6 948 miljoen (2015)
Bedryfsinkomste	$1 001 miljoen (2015)
Netto inkomste	$575 miljoen (2015)
Werknemers	15 545 (2015)
Moedermaatskappy	BHP Billiton
Divisies	Australië-streek Afrikastreek Bemarking
Webwerf	www.south32.net

Myne en fabrieke

• In die Verenigde State besit South32 die Hermosa-myn geleë 80 km van Tucson (Arizona).
• Die firma se aktiwiteite in Suid-Amerika is in Brasilië en Colombië.
• South32 het werksaamhede op ses plekke versprei oor die hele Australië.
• Mozal Aluminium is gevestig net buite Maputo.
• SA Manganese by Hotazel bewerk die mangaanmyne van die Kalahari met sowat 3 000 werknemers.
• South Africa Energy Coal se werksaamhede is by Ogies, Witbank en Middelburg.
• Hillside Aluminium het 'n aluminiumsmeltery by Richardsbaai en voer alumina in van Worsley Alumina in Australië om daarvan aluminium van hoogstaande kwaliteit te vervaardig.

Eienaars

South32 is in Mei 2015 uit BHP Billiton ontbondel. Die aandele word verhandel op die beurse van Australië, Londen en Johannesburg. Die grootste aandeelhouers is BlackRock Group, Inc. en The Vanguard Group, Inc. Die hoofkantoor is in Perth met 'n bemarkingskantoor in Singapoer. In totaal het die maatskappy 15 545 werknemers.

Bibliografie

• sashares.co.za
• www.sharedata.co.za
• www.south32.net