Southern Gothic
Southern Gothic, ook Suidstate-Gotiek genoem, is 'n genre binne die Amerikaanse literatuur wat vanaf die vroeë 19de eeu as 'n selfstandige stroming binne die Gotiese literatuur van Engelssprekende lande begin ontwikkel het. Die handeling van Southern Gothic-romans speel in die Amerikaanse Suide as geografiese en kulturele ruimte af en is diep gewortel in hierdie streek se spanninge en dwalinge; dikwels word kwessies soos geweld, misbruik of armoede getematiseer. Kenmerkend vir die genre is enersyds elemente wat ontleen is aan Engelse Gotiese literatuur soos uitbeeldings van die irrasionele en die afgrondelike in die mens en sy vervreemding van die wêreld, oorweldig deur angs; sy geheime verlange en sy impulse kry dikwels gestalte in groteske karakters.
Anne Rice, een van die bekendste verteenwoordigers van die genre, verbind New Orleans, as die argetipiese stad van Southern Gothic, met die vampiermite. Sy beskryf haar vampiere as elegante, tragiese, gevoelige karakters. Kritici sien hulle daarnaas as allegoriese simbole van isolasie, as wesens wat ontvreem is van die wêreld rondom hulle; wat tussen ons beweeg, maar gedoem is om buitestaanders bly, tot 'n punt waar die skryweres - en moontlik die leser - meer met hulle identifiseer as met hul slagoffers
Andersyds bevraagteken Southern Gothic-literatuur die romantiese beeld van 'n bukolies-idilliese Suide, sy agrariese leefstyl en sy aristokraties-elegante plantasiesamelewing deur lig te gooi op sy skadukant: die ontkenning en onderdrukking van historiese realiteite soos slawerny, rassisme en geweldpleging binne 'n patriargale konteks. Die Suide se morele waardes word in 'n kritiese lig gesien, met 'n sin vir donker humor.
Eksterne skakels
wysig- Dagblad- en tydskrifartikels
- The Guardian, 4 Julie 2015: Why southern gothic rules the world
- Smithsonian Magazine, 11 Mei 2017: Why People Love Southern Gothic
- Agtergrondinligting
- McAllen Public Library: Southern Gothic LibGuide Geargiveer 27 Junie 2020 op Wayback Machine
- Literêre toerisme