Spanxti
| Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Spanxti is 'n musiekgroep uit die Litause hoofstad Vilnius wat in sy post-folklore- en neofolk-musiek en liedtekste die tradisies en mitologie van die twee oorlewende Baltiese volke, Litauers en Lette, met mekaar verbind.
Spanxti | |
|---|---|
| Oorsprong |  Vilnius, Litaue |
| Genres | Post-folklore en neofolk |
| Etikette | Autarkeia / Dangus |
| Webwerf | spanxti.lt Geargiveer 20 Januarie 2020 op Wayback Machine |
| Lede | Leonardas Marozas Ingula Rinkevičienė Vytautas Rinkevičius Žaneta Svobonaitė Povilas Vaitkevičius Mārtiņš Viļums |
Sedert sy stigting in die vroeë 21ste eeu het 'n verskeidenheid lede by die groep aangesluit en dit weer verlaat, terwyl Spanxti ook sy musiekstyl verskeie kere verander het. Die groep het nogtans van 'n eksperimentele musiekprojek tot 'n permanente kollektief gegroei wat 'n musikale uitdrukking probeer vind het wat op sy eie bene staan - met onortodokse neo-folkkomposisies en rituele liedtekste wat sy oorsprong in antieke Indo-Europese beskawings het.[1]
Vir hul tweede album Dievo žirgai, Laimės ratai ("God se perde, Wiele van Geluksaligheid"), wat in 2012 vrygestel is, het Spanxti werke saamgestel wat van mitologiese en oorlogstematiek tot feesliedere strek, met musikale begeleiding deur akoestiese kitare, viool, akkordeon, slagwerk, klawerborde en vroulike sangstem.
Volgens die Baltiese geleerde en stigter van Spanxti, Vytautas Rinkevičius, bied die groep met sy musiek 'n kreatiewe benadering tot Baltiese mitologie en spirituele kultuur in die algemeen wat deur elemente van outentieke hedendaagse Baltiese folklore nog versterk word. So vind Spanxti sy inspirasie vir die kreatiewe herlewing van gemeenskaplike Baltiese lewensbeskouings in die kulturele konteks van Litaue en Letland. Die groep is sodoende die eerste musikale projek waarin die musikale erfenis van albei nasies verenig word.
Diskografie wysig
- Ryto rasa krito (2002)
- Karingo augo (2003)
- *dhéǵhōm (Autarkeia 2011)
- Dievo žirgai, Laimės ratai (Dangus 2012)
Verwysings wysig
Eksterne skakels wysig
Media