Glansslangkoppie

plant spesie
(Aangestuur vanaf Spatalla colorata)

Die Glansslangkoppie (Spatalla colorata) is 'n blomdraende struik wat tot die genus Spatalla behoort en deel van die fynbos vorm. Die plant is endemies aan die Wes-Kaap waar dit van die Riviersonderendberge tot sentraal Langeberg voorkom.

Glansslangkoppie
Wetenskaplike klassifikasie edit
Domein: Eukaryota
Koninkryk: Plantae
Klade: Tracheofiete
Klade: Angiospermae
Klade: Eudicots
Orde: Proteales
Familie: Proteaceae
Genus: Spatalla
Spesie:
S. colorata
Binomiale naam
Spatalla colorata
Meisn., (1856)

Die struik groei regop en word slegs 80 cm hoog en blom van Julie tot November. Die plant vrek na 'n brand maar die sade oorleef. Die plant is tweeslagtig en bestuiwing vind deur die werking van insekte plaas. Twee maande nadat die plant geblom het, val die ryp sade op die grond waar dit deur miere versprei word. Die plant groei op koel, suidelike hellings op hoogtes van 900 - 1400 m.

In Engels staan die struik as die Shiny spoon bekend.

Sien ook wysig

Bronne wysig