Palmietslangkoppie
plant spesie
(Aangestuur vanaf Spatalla prolifera)
Die Palmietslangkoppie (Spatalla prolifera) is 'n blomdraende struik wat tot die genus Spatalla behoort en deel van die fynbos vorm. Die plant is endemies aan die Wes-Kaap waar dit in die Hottentots-Hollandberge en Kleinmondberge langs die Palmiet en Steenbrasriviere voorkom.
| Palmietslangkoppie | |
|---|---|
Wetenskaplike klassifikasie 
| |
| Domein: | Eukaryota |
| Koninkryk: | Plantae |
| Klade: | Tracheofiete |
| Klade: | Angiospermae |
| Klade: | Eudicots |
| Orde: | Proteales |
| Familie: | Proteaceae |
| Genus: | Spatalla |
| Spesie: | S. prolifera
|
| Binomiale naam | |
| Spatalla prolifera (Thunb.) Salisb. ex Knight, (1809)
| |
| Sinonieme | |
| |
Die struik groei regop en word tot 1.0 m hoog en blom van September tot Desember. Die plant vrek na 'n brand maar die sade oorleef. Die plant is tweeslagtig en bestuiwing vind deur die werking van insekte plaas. Twee maande nadat die plant geblom het, val die ryp sade op die grond waar dit deur miere versprei word. Die plant groei in moerasagtige grond, rivieroewers en natplekke op hoogtes van 50 - 460 m.
In Engels staan die struik as die Palmiet spoon bekend.