Kinkelslangkoppie
plant spesie
(Aangestuur vanaf Spatalla salsoloides)
Die Kinkelslangkoppie (Spatalla salsoloides) is 'n blomdraende struik wat tot die genus Spatalla behoort en deel van die fynbos vorm. Die plant is endemies aan die Wes-Kaap waar dit in die Du Toitskloofberge se piek en Goudini Sneeukop voorkom.
| Kinkelslangkoppie | |
|---|---|
Wetenskaplike klassifikasie 
| |
| Domein: | Eukaryota |
| Koninkryk: | Plantae |
| Klade: | Tracheofiete |
| Klade: | Angiospermae |
| Klade: | Eudicots |
| Orde: | Proteales |
| Familie: | Proteaceae |
| Genus: | Spatalla |
| Spesie: | S. salsoloides
|
| Binomiale naam | |
| Spatalla salsoloides (R.Br.) Rourke, (1969)
| |
| Sinonieme | |
| |
Die struik is bosagtig en word 1.0 m hoog en in deursnee en blom van Oktober tot Desember. Die plant vrek na 'n brand maar die sade oorleef. Die plant is tweeslagtig en bestuiwing vind deur die werking van insekte plaas. Twee maande nadat die plant geblom het, val die ryp sade op die grond waar dit deur miere versprei word. Die plant groei in rotagtige suidelike helling op hoogtes van 1500 - 1850 m.
In Engels staan die struik as die Kink-style spoon bekend.