Speldespinnekopbos
Die speldespinnekopbos (Serruria fasciflora) is 'n blomdraende struik wat tot die genus Serruria behoort en deel van die fynbos vorm. Die spesie is endemies aan die Wes-Kaap, waar dit voorkom op die Hopefieldvlakte en Slanghoekberge tot by Potberg, Riviersonderendberge, Langeberg en Outeniekwaberge. Die struik groei regop maar kan ook plat wees en word slegs 90 cm hoog en blom van Mei tot Desember.
| Speldespinnekopbos | |
|---|---|
| |
Wetenskaplike klassifikasie 
| |
| Domein: | Eukaryota |
| Koninkryk: | Plantae |
| Klade: | Tracheofiete |
| Klade: | Angiospermae |
| Klade: | Eudicots |
| Orde: | Proteales |
| Familie: | Proteaceae |
| Genus: | Serruria |
| Spesie: | S. fasciflora
|
| Binomiale naam | |
| Serruria fasciflora Salisb. ex Knight, (1809)
| |
| Sinonieme | |
| |
Vuur vernietig die plant maar die sade oorleef. Twee maande nadat dit geblom het, val die vrugte af en miere versprei die sade. Hulle stoor die sade in hul neste. Die plant is tweeslagtig. Bestuiwing vind plaas deur die werking van insekte. Die plant groei in 'n verskeidenheid habitate op hoogtes van 0 tot 610 m.
In Engels staan dit as die Common Pin Spiderhead bekend.
