Andromeda-sterrestelsel: Verskil tussen weergawes

Na aanleiding van sy voorkoms in sigbare lig word Andromeda geklassifiseer as 'n SA(s)b-stelsel in die [[De Vaucouleurs-Sandage-klassifikasiestelsel]] van spiraalsterrestelsels.<ref name="ned" /> Data van die [[2MASS]]-opname wys egter dat die romp van die stelsel 'n boksvormige voorkoms het, wat daarop dui dat dit eintlik 'n staafspiraalstelsel is soos die Melkweg, met Andromeda se staaf wat van die Aarde af feitlik direk met sy lang as langs gesien word.<ref name="Beaton 2006" />

In 2005 het sterrekundiges die [[W.M. Keck-sterrewag|Keck-teleskope]] gebruik om te wys dat die dun sprinkeling van sterre wat van M31 af uitwaarts strek, eintlik deel van die sterrestelsel se hoofskyf is.<ref name="Chapman et al 2006" /> Dit beteken die deursnee van M31 se spiraalskyf is drie keer so groot as wat voorheen geraam is. Die nuwe raming is sowat 220&nbsp;000 ligjare (67&nbsp;000 parsek) teenoor die vorige raming van 70&nbsp;000 tot 120&nbsp;000 ligjare (21&nbsp;000 tot 37&nbsp;000 parsek).