NG gemeente Fort Beaufort: Verskil tussen weergawes

Destyds was daar net vier Sinodes, naamlik [[Kaapprovinsie|Kaap]], [[Natal]], [[Oranje-Vrystaat]] en [[Transvaal]]. [[Suidwes-Afrika]] was deel van die Kaapse Kerk en [[Rhodesië]], [[Kenia]] en [[Tanzanië]] van die [[Vrystaat]]se Kerk. In die Kaapse Kerk is tussen 1933 en 1942 altesaam 97 gemeentes afgestig. In Natal, altyd die kleinste van die Sinodes wat teen 1932 slegs 10 gemeentes gehad het, kom in dié tydperk 'n verdere 16 gemeentes tot stand, maar van 1925 tot 1933 is nie 'n enkele gemeente afgestig nie.

In die Vrystaat ([[Sinode van Midde-Afrika|Midde-Afrika]] ingereken) was daar teen 1932 79 gemeentes met, soos elders, geen afstigtings in 1931 of 1932 nie weens die [[Groot Depressie]], maar in die volgende 20 jaar stigontstaan 30 gemeentes af. In die Transvaalse Kerk, wat die merkwaardigste groei aangeteken het danksy die grootskaalse volksverhuising uit die ander drie provinsies, was daar teen 1932 slegs 96 gemeentes met ook geen afstigtings tydens 1931 en 1932 nie. Soos in Natal het die gemeentes hier ook tydens die volgende twee dekades meer as verdubbel danksy 111 afstigtings vir 'n totaal van 207, vergeleke met 285 in die Kaapse Kerk. Die 375 gemeentes van 1932 het dus aan die begin van 1952 op 627 te staan gekom.