Ahasveros: Verskil tussen weergawes

In die jaar 465 v.C. is Ahasveros vermoor deur [[Artabanus van Persië|Artabanus]], die kommandeur van die koninklike lyfwag en die mees gesaghebbende amptenaar in die Persiese hofhouding (Hazarapat beteken kommandeur van duisend). Artabanus is bevorder na hierdie mees vername amp in die Achaemeense hofhouding ná sy weiering om Mardonios in Plataia by te staan, gevolg deur sy suksesvolle onttrekking van die tweede Persiese weermag uit Griekeland. Alhoewel hy dieselde naam gedra het as die beroemde oom van Ahasveros, ‘n [[Hyrkaniër]], was sy opgang na die prominente posisie te danke aan sy gewildheid in godsdienstige kringe van die hofhouding, asook weens harem-intriges. Hy het sy sewe seuns in sleutelposisies aangestel en het ‘n doeltreffende meesterplan beraam om die Achaemeners uit die kussings te lig.<ref>[[#refkhshayayrsha|Iran-e-Bastan/Pirnia boek 1 p. 873]]</ref> In Augustus, 465 v.C., het Artabanus vir Ahasveros om die lewe gebring met die hulp van die eunug [[Aspamitres]]. Griekse historici lewer teenstrydige verslae van die volle verhaal. Volgens Ctesias (in Persica 20), het Artabanus hierop kroonprins Darius (Ahasveros se oudste seun) beskuldig van die moord; hy het verder vir Artasasta (‘n ander seun van Ahasveros) aangehits om die vadersmoord te wreek. Maar volgens [[Aristoteles]] (in Politiek 5.1311b), het Artabanus eers vir Darius gedooddood gemaak, en toe die koning self. Later, toe die gebeure op die lappe kom, en sy aanslag op die koningskap onthul is, is Artabanus saam met sy seuns gedooddood gemaak deur Artasasta I.<ref>[[#refartabanus-ei|Dandamayev]]</ref> ‘n Deelnemer aan die harwar was ook generaal Megabyzus (Baghabukhsja) wie se oorlopery miskien die intrige in die guns van die Achaemeners beklink het.<ref>[[#refartaxerxes|History of Persian Empire-Olmstead p 289/90]]</ref>