Hierdie pas gaan tussen ''Hodgson se Piek'' en die ''Twaalf Apostels'' oor die Drakensberg en is eerste deur die [[Boesman]]s gebaan. Later het veewagters die roete gevolg wat vee gebring het om mee handel te dryf. Daarna het pakdiere gevolg, hoofsaaklik Basoetoponies wat gebruik is om produkte en noodsaaklike voorraad na die Sothovolk te neem.
Die eerste groot verbetering op die voetpad was in 1912 toe 'n pad van 2m2 m breed gebou is. Dit het die roete aansienlik makliker gemaak vir pakdiere en dit het so gebly tot na die [[Tweede Wêreldoorlog]]. In 1949 het David Alexander 'n vervoerdiens met jeeps ingestel om vrag tussen [[Himeville]] en [[Mokhotlong]] te vervoer. Die pad is weer in [[1958]] verbeter.
==Die Roete==
Die pas verbind Himeville en Mokhotlong oor 'n afstand van 93 km. Die afdraai na die pas is 3 km noord van Himeville. Van die voet van die pas (2 255m255 m), 23 km van Himeville af, klim die pad 600m oor 14 km langs die boloop van die Mkomazanarivier tot by die grenspos, ook genoem Sanipas, op die grens van Lesotho (2 865m865 m). Die kruin van die Drakensberg word 3 km verder bereik. Van hier af styg die pad steeds oor die Saniplato tot by die kruin van Swartberg (3 200m200 m). Die piek is 10 km suid van [[Thabana Ntlenyana]] (3 482m482 m) wat die hoogste punt van die Drakensberg en in Suidelike Afrika is. Hiervandaan daal die pad met die loop van die Sehonghongrivier tot by Mokhotlong.<ref>[[Op Pad in Suid-Afrika]]. 1995 [[B.P.J. Erasmus]]. ISBN 1-86842-026-4</ref><ref>Ensiklopedie van Suidelike Afrika. 1967. [[Eric Rosenthal]].</ref>
