NG gemeente Port Elizabeth-Sentraal: Verskil tussen weergawes

Die '''NG gemeente Port Elizabeth-Sentraal''' was in 1928 die eerste afstigting van die eerste gemeente van die [[Nederduitse Gereformeerde Kerk]] in die Baai, naamlik die [[NG gemeente Port Elizabeth]], wat in 1907 gestig is.

 

Van die begin van die 20ste eeu af het daar op die hoek van Campbell- en Edwardstraat 'n kerkie vir bruin mense, die Philips Memorial-kerk, gestaan. Omstreeks 1920 het die munisipaliteit die gemeente uitgekoop om die woonbuurt 'n blanke gebied te maak. Nadat dit 'n tyd lank leeg gestaan het en soms deur die munisipaliteit vir sektariese byeenkomste uitgehuur is, het die kerkraad van die [[NG gemeente Port Elizabeth|moedergemeente]] onder leiding van di. A. Stegmann en C.G. Ochse dit vir die bedrag van £1 200 aangekoop.

 

Ter ere van hom het hierdie deel ook die naam Pienaarswyk gekry. So het dit dan 'n wyk van die moedergemeente gebly terwyl die een leraar, ds. F.W. Liebenberg, die pastorie in Richmond Park bewoon het om meer spesifiek die sentrale gedeelte te bearbei. Gedurende 1928 is Pienaarswyk afgestig en so het dit die gemeente Port Elizabeth-Sentraal geword. Op [[15 Mei]] [[1940]] volg [[NG gemeente Port Elizabeth-Wes|Port Elizabeth-Wes]] in wat toe een die stad se mees vooruitstrewende voorstede was, naamlik Newton Park, wat op sigself 'n gemeente geword het in 1953.

 

Ná verskeie beroepe is ds. en mev. D.L. Steyl in 1929 as die eerste pastoriepaar van dié strategies geleë gemeente verwelkom. Onder hul bekwame leiding is die jong gemeente in so 'n mate ontwikkel dat die kerk gedurende 1948 geheel en al teen 'n koste van sowat £10 000 vergroot en verander is.

 

Ongelukkig het die leraar wat hom hiervoor beywer het, nie lank die voorreg van die nuwe gebou gehad nie, want in 1949 het hy 'n beroep na die [[NG gemeente Venterstad]] in die noord van die [[Oos-Kaap]] aanvaar. In Junie van dieselfde jaar is ds. en mev. D.F. du P. Moolman as tweede leraarspaar hier ontvang en kort daarna in dieselfde jaar het PE-Sentraal sy mondigwording gevier.