Abraham Johannes Pepler: Verskil tussen weergawes

Ds. '''Abraham Johannes Pepler''' ([[Franschhoek]], [[11 Maart]] [[1854]] - [[25 Februarie]] [[1948]]) was 'n leraar in die [[Nederduitse Gereformeerde Kerk]].

 

 

In 1899 neem ds. Pepler 'n beroep aan na die [[NG gemeente Molteno]], ook in die [[Oos-Kaap]], waar hy in September daardie jaar bevestig is. Hy arbei hier 'n kwarteeu lank voordat hy sy emeritaat in 1925 aanvaar. In dié tyd het die dorp [[Molteno, Oos-Kaap|Molteno]] sy belangrikheid as 'n steenkool-myndorp verloor toe beter gehalte steenkool uit [[Transvaal]] en [[Natal]] die laegraadse steenkool van die Stormberge onekonomies gemaak het. Ds. Pepler se voorganger op Molteno was die gemeente se eerste leraar, ds. J.F. Marais, wat in 1899 na die [[NG gemeente Dordrecht|Dordrecht]] vertrek het. Die gemeente bereik 'n groot mylpaal tydens ds. Pepler se bediening nadat die kerkraad reeds op sy vergadering van [[18 Februarie]] [[1899]] besluit het om 'n nuwe kerk te bou. Die geld vir die nuwe kerk is hoofsaaklik ingewin deur middel van die tiendestelsel. In Mei 1905 lê ds. Pepler die hoeksteen en op [[20 April]] [[1906]] wy die gemeente sy indrukwekkende en stewige kerkgebou in wat vandag nog bo die dorp uittroon.