* Indien die verhittergeiser konstant oorloop (veiligheidsklep staan oop), kan dit wees agv die volgende redes:
** Foutiewe veiligheidsklep: As dit oopmaak teen ’n laer druk as wat die inlaatbeheerklep die druk beheer.
** Foutiewe inlaatbeheerklep: As die inlaatklep nie die druk in die verhittergeiser beheer nie, kan die druk hoër word as die veiligheidsklep se steldruk en sal dit dus oopmaak.
** Die steldruk van die veiligheidsklep en beheerklep is te naby aan mekaar, dus voor die inlaatbeheerklep toemaak, maak die veiligheidsklep oop.
** Foutiewe termostaat: Dit skakel nie die element af nie wat veroorsaak dat die water begin kook en die druk in die verhittergeiser laat styg bo die ontwerpdruk. Indien dit die geval is, behoort jy agter te kom dat die warm water wat uit die kraan uitkom baie warmer as normaal is.
* Indien die water in die verhittergeiser nie warm word nie, is die verhittergeiser se element heel waarskynlik foutief. Dit kan egter ook wees dat die veiligheidsklep oop staan (vir watter rede ookal). Dus loop die verhittergeiser konstant oor na buite en kry die water nie kans om warm te word nie. Indien dit die geval is, sal daar heeltyd water uitloop na buite – dit sal jou elektrisiteits- en waterrekening die hoogte in laat skiet.
