NG gemeente Kroonstad: Verskil tussen weergawes

Die dorp [[Kroonstad]] is omstreeks 1857 gestig. Die oorsprong van die naam is nie seker nie. Volgens ''[[Ons gemeentelike feesalbum]]'' van 1952 het die meeste oumense destyds gemeen die dorp het die naam gekry van ’n perd van die welbekende Voortrekker [[Sarel Cilliers]], wat Kroon genoem is. Volgens die oudste inwoners van die dorp, wat dit omstreeks 1910 aan die bydraer tot ''Ons gemeentelike feesalbum'' vertel het, was dit die oorspronklike plan om om dorp aan Kroonspruit by Kroondrif uit te lê.

 

Daar is ook ’n mening dat Kroonstad na die sterk vesting van die naam in [[Rusland]] genoem is. Oorspronklik was die gebied ’n deel van die [[NG gemeente Harrismith|gemeente Harrismith]]. Van tyd tot tyd is dienste en kerkraadsvergaderings op Kleinfontein, Doornkop en Kransdrif, in die wyk Valsrivier van die gemeente Harrismith gehou. Dit het in die jare 1852 tot 1854 plaasgevind. Op ’n kerkraadsvergadering wat op Doornkop op [[2 Augustus]] [[1852]] gehou is, het geblyk dat daar ’n behoefte aan ’n kerkgebou bestaan het. Die konsulent voorsien toe die kerkraad van lyste om te kollekteer vir die bou van ’n kerk. Dié eerste kerkgebou is op [[3 Januarie]] [[1862]] ingewy. Dit is met tamboekiegras bedek, met ’n misvloer en sonder banke. Die kerkgangers het veldstoeltjies saamgeneem na die diens. By ’n aanddiens het elkeen sy wildebeesvetkers (sogenaamde waterkers) aangesteek.