Gereformeerde kerk Potchefstroom: Verskil tussen weergawes
Content deleted Content added
Morne (besprekings | bydraes) No edit summary |
Morne (besprekings | bydraes) No edit summary |
||
Lyn 9:
Die '''Gereformeerde kerk Potchefstroom''' is die moedergemeente van die [[Gereformeerde Kerke in Suid-Afrika]] in die universiteitstad [[Potchefstroom]], [[Noordwes]].
Potchefstroom was een van die eerste sewe gemeentes wat ds. [[Dirk Postma]] in 1859 gestig het, die jaar waarin die Gereformeerde Kerk herstig is op [[Rustenburg]]. Naas Potchefstroom en Rustenburg het hy ook Zoutpansberg, Pretoria, Waterberg, [[Gereformeerde kerk Reddersburg|Reddersburg]] en Lydenburg gestig. Potchefstroom was vakant tot ds. Johann Leopold Maury in 1877 hier bevestig is. Ná sy aftrede in 1903 is hy in dieselfde jaar opgevolg deur dr. J.D. du Toit, die Bybelvertaler en Psalmberymer, beter bekend onder sy pennaam, [[Totius]]. Dr. Du Toit het die gemeente, sy eerste en enigste, reeds in 1911 verlaat toe hy aangestel is as hoogleraar aan die Teologiese Skool, wat sewe jaar vantevore van Burgersdorp hierheen verskuif het. Weer was die vakature nie kort nie, want ds. [[Willem Johannes de Klerk|W.J. de Klerk]] van [[Gereformeerde kerk Aliwal-Noord|Aliwal-Noord]] (1907 tot 1911) is nog in 1911 hier bevestig.
Ds. de Klerk het 12 jaar in die gemeente gearbei tot hy in 1923 registrateur van die [[PU vir CHO]] geword het. Benewens sy predikantswerk wat hy met getrouheid behartig het, het ds. De Klerk vroeg besondere belangstelling in die politiek getoon. Die stryd van die Afrikaner op politieke gebied het hom na aan die hart gelê en hy was twee keer (1915 en 1938) kandidaat van die [[Nasionale Party]] vir [[Potchefstroom (kiesafdeling)|Potchefstroom]]. Die eerste keer kry hy 794 stemme, vergeleke met die [[Suid-Afrikaanse Party]] se G.W. Hall se 1 043, en die tweede keer 2 032, vergeleke met die [[Verenigde Party]] se H. van der Merwe se 3 217. Op [[Potchefstroom]] het hy hom ook vir Christelike onderwys beywer. Dit was deur sy onvermoeide geesdrif dat die Hoërskool Gimnasium in 1915 en die Potchefstroomse Universiteitskollege vir Christelike Hoër Onderwys (nou die Potchefstroomse Kampus van die [[Noordwes-Universiteit]]) tot stand gekom het. As predikant was hy ’n onvermoeide yweraar vir kerk en volk.
| |||