[[Lêer:13-08-07 - Airbus A330 - hongkong airport.jpg|duimnael|Airbus A 330-200 van [[Air Seychelles]].]]
'''Airbus S.A.S.''' is die vliegtuigvervaardiger dogtermaatskappy van [[EADS|EADS N.V.]], 'n pangeheel-Europese lug- en ruimtevaartmaatskappy. Dit is in [[Toulouse]], [[Frankryk]] gesetel met beduidende bedrywe in ander Europese lande. Airbus produseer ongeveer die helfte van die wêreld se [[vliegtuig|straalvliegtuie]], met die meeste van die res wat deur die maatskappy se [[VSA|Amerikaanse]] mededinger [[Boeing Commercial Airplanes]] vervaardig word.
== Oorsig ==
Airbus is in 2001 onder die Franse reg gestig as 'n "vereenvoudigde gesamentlike-effekte-maatskappy" of ''S.A.S.'' ([[Frans]]: ''Société par Actions Simplifiée''). Airbus het tevore bekend gestaan as ''Airbus Industrie.''
Airbus was voorheen gesamentlik besit deur EADS (80%) en [[BAE Systems]] (20%), Europa se twee grootste verdedigingsmaatskappye. BAE Systems het in April 2006 sy voorneme aangedui om die maatskappy se 20% aandeel in Airbus te verkoop en het in Junie 2006 sy opsie uitgeoefen om EADS te dwing om sy aandeel te koop. Die opsiedireksie het die beleggingsbank [[N M Rothschild & Sons|Rothschild]] aangestel om 'n onafhanklike waardering van Airbus te onderneem. Rothschild se waardering was £1,9 miljard (€2,75 miljard), heelwat onder BAE en EADS se verwagting. Nadat BAE nie tevrede was met die waardering nie het dit onafhanklike ouditeure aangestel om die waarde van die maatskappy se 20% aandeel te bepaal.<ref>''"[http://edition.cnn.com/2006/BUSINESS/07/05/bae.airbus.reut/ BAE orders new Airbus audit]"'' CNN.com July 5, 2006</ref> Op 6 September 2006 het die BAE raad aangekondigvan datBAE ditby sy aandeelhouers sou aanbeveel omdat hulle hul aandele vir €2,75 miljard (£1.87 miljard of $3,53 miljard) te verkoop.<ref>{{cite news | title = BAE agrees to £1.87bn Airbus sale | publisher = BBC News | date = 2006-09-06 | url = http://news.bbc.co.uk/1/hi/business/5321626.stm | accessdate =2006-09-06}}</ref>
Airbus het 55 000 werknemers <ref name=AB-successstory>[http://www.airbus.com/ Airbus], [http://www.airbus.com/en/corporate/people/company_evolution/index.html The success story of Airbus],. Besoek op 11 Augustus 2007</ref> werknemers by sestien persele in vier Europese lande: [[Duitsland]], [[Frankryk]], die [[Verenigde Koninkryk]], en [[Spanje]]. Finale aanmekaarsit vind in [[Toulouse]] (Frankryk) en [[Hamburg]] (Duitsland) plaas. Airbus het ook drie dogtermaatskappye in die [[VSA]], [[Japan]] en [[Sjina]].<ref name=AB-worldwide>[http://www.airbus.com/ Airbus], [http://www.airbus.com/en/worldwide/ Airbus worlwide], Besoek op 12 Augustus 2007</ref>
