NG gemeente Uitenhage: Verskil tussen weergawes

Die '''NG gemeente Uitenhage''', wat die 10de oudste NG gemeente in [[Suid-Afrika]] en die tweede oudste in die [[Oos-Kaap]] is, het die onderskeiding dat dit die eerste en enigste gemeente van die [[Nederduitse Gereformeerde Kerk]] is waarvan op een dag drie gemeentes afgestig is toe op [[22 Junie]] [[1950]] tydens 'n buitengewone Ringsvergadering in die moederkerk besluit is om Uitenhage-Noord, -Oos en -De Mist af te stig. Toe reeds het dit die totale getal dogtergemeentes van die moedergemeente, wat in 1817 as die tiende gemeente in [[Suid-Afrika]] gestig is, op 21 te staan gebring.

 

Vroeg in 1804 is die veldkornetskappe waarin die woeligste burgers gewoon het en wat ook die meeste tydens strooptogte van die naburige Xhosas moes ly, van die distrik [[Graaff-Reinet]] afgesny en tot 'n aparte drostdy geproklameer. Dit het die familienaam ontvang van mnr. J.A. Uitenhage de Mist, kommissaris-generaal tydens die bewind van die Bataafse Republiek. Reeds in 1809 was daar onder die ingesetenes 'n beweging om 'n eie kerk te hê en dit was dus sekerlik 'n heuglike gebeurtenis toe vir die eerste keer in Junie 1816 kerkraadslede vir [[Uitenhage]] op voordrag van die landdros deur die goewerneur goedgekeur is. Daar het toe reeds 'n sogenaamde kerkhuis gestaan. Ook kon Uitenhage van 'n leraar voorsien word in die persoon van ds. Cornelis Mol wat 'n Afrikaner van geboorte was. In 1823 het ds. Mol om een of ander rede en sonder om amptelik afskeid te neem, Uitenhage verlaat en in Oktober van dieselfde jaar predikant van [[Swellendam]] geword.

 

Sy opvolger was ds. [[Alexander Smith]], een van die [[Skotse predikante in die NG Kerk|Skotse predikante]] wat destyds volgens die beleid van lord [[Charles Somerset]] in die grensgemeentes geplaas is. Met voorbeeldige getrouheid en kennelike seën het hy dié uitgestrekte veld 40 jaar lank bearbei tot hy in 1863 afgetree het. Tydens sy bediening (1843) is ook die kerkgebou voltooi, wat later as die gemeente se kerksaal gedien het.

 

Ds. [[Daniël Jozua Pienaar]] kom in 1887 uit [[Aliwal-Noord]] na [[Uitenhage]]. Tydens die Sinode van 1915 is hy moderator gekies. Hy het hom ook vir die plaaslike onderwys beywer en het die nywerheidskool gestig wat as model gedien het vir soortgelyke instellings in die eertydse Kaapland.

 

 

In 1950 is al drie leraars (di. P.C. Combrink, W. Fullard en P.J.J.S. Els) deur die drie pasgestigte dogtergemeentes beroep en op Sondag 3 September maak hulle aan die ou moedergemeente bekend dat hulle die beroep aangeneem het. Ná 'n fakture van vyf maande word di. C.H.L. Mouton en W.C.O. du Toit op 24 Februarie 1951 gelyktydig as medeleraars bevestig.

 

* Cornelis Mol, 1817 - 1823

* [[Alexander Smith]], 1823 - 1863 (na wie [[Alexandria]] genoem is; oorlede op [[13 Augustus]] [[1864]])

* [[Phil Olivier|Olivier, ds. P.L.]] (samesteller), ''[[Ons gemeentelike feesalbum]]''. Kaapstad en Pretoria: N.G. Kerk-uitgewers, 1952.

 

 

[[Kategorie:Nederduitse Gereformeerde Kerk in Suid-Afrika]]