Gereformeerde kerk Krugersdorp: Verskil tussen weergawes

 

[[Beeld:Gereformeerde Kerk Krugersdorp vooraansig.jpg|duimnael|regs|220px|Die Gereformeerde kerk Krugersdorp, 1956. [[Johan de Ridder]], lidmaat van die [[Gereformeerde kerk Pretoria-Sunnyside]], het dit ontwerp.]]

 

Die '''Gereformeerde kerk Krugersdorp''' is die moedergemeente van die [[Gereformeerde Kerke in Suid-Afrika]] (GKSA) op die [[Wes-Rand]]se dorp [[Krugersdorp]] en sedert 1986, toe dit 90 jaar oud was, die enigste van die twee gemeentes uit die 19de eeu wat steeds bestaan. Die [[Gereformeerde kerk Johannesburg]] is net ’n maand ná Krugersdorp gestig, op [[23 Mei]] [[1896]], maar het ná ’n paar gedaantewisselings in 1986 ontbind.

 

== Tweede kerk ==

Mettertyd het die ou kerk te klein geword vir die groeiende gemeente en was dit ook baie vervalle. Bou werk aan die nuwe kerkgebou het op [[20 Januarie]] [[1956]] begin en die hoeksteen is op [[24 Maart]] daardie jaar deur ds. [[Willem de Klerk|W.J. de Klerk]] gelê. Op [[20 September]] [[1956]] is die gebou aan die kerkraad oorhandig en in Oktober daardie jaar is dit feestelik in gebruik geneem. Die argitek was [[Johan de Ridder]], lidmaat van die [[Gereformeerde kerk Pretoria-Sunnyside]], en die boumeester ’n plaaslike lidmaat, Siebrin Woudstra. Peet Pelser was verantwoordelik vir die elektriese installasie, die teëlwerk is behartig deur Piet Kleinloog en die houtwerk deur die Van Kraam-broers, eweneens almal lidmate van Krugersdorp. Die gebou beeld die vertikale verhouding met God uit, wat beklemtoon word deur twee mure met blougekleurde ruite. Die ou kerk is omstreeks 1956 gesloop.