Op 15-jarige leeftyd{{Sjabloon:Sfn|Lemesurier|2010}} het Nostredame by die Universiteit van Avignon ingeskryf vir sy baccalaureus-graad. Ná ’n bietjie meer as ’n jaar (waartydens hy die gewone trivium van [[grammatika]], [[retoriek]] en [[logika]] sou bestudeer het eerder as die latere quadrivium van [[meetkunde]], [[wiskunde]], musiek en [[Sterrekunde|astronomie]]/[[Astrologie|astrologie]]<nowiki/>e), moes hy Avignon verlaat toe die universiteit gesluit het as gevolg van ’n uitbraak van die [[Swart Dood|pes]]. Nadat hy Avignon verlaat het, het Nostredame, volgens sy eie verslag, van 1521 af agt jaar lank deur die platteland gereis en kruierate nagevors. In 1529, ná ’n paar jaar as apteker, het hy by die Universiteit van Montpellier ingeskryf om ’n mediese dokter te word. Hy is kort daarna deur die studenteprokurator, Guillaume Rondelet, geskors toe daar uitgevind is dat hy ’n apteker was, ’n "ambag" wat uitdruklik deur die universiteit se statute verbied is,<ref>Benazra, R, [http://ramkat.free.fr/biograph.html#2 Espace Nostradamus]</ref> en dat hy dokters belaster het.{{Sjabloon:Sfn|Lemesurier|2010|p = 48-9}} Die skorsingsdokument, ''BIU Montpellier, Register S 2 folio 87'', bestaan vandag nog in die fakulteitsbiblioteek.{{Sjabloon:Sfn|Lemesurier|2003|p = 2}} Party van sy uitgewers en korrespondente het hom egter later 'dokter' genoem. Ná sy skorsing het Nostredame aangehou werk, waarskynlik steeds as ’n apteker, en beroemd geword omdat hy ’n "roospil" geskep het wat vermoedelik beskerming teen die pes gebied het.<ref name="ref6">Nostradamus, Michel, ''Traite des fardemens et des confitures'', 1555, 1556, 1557</ref>
