Verskil tussen weergawes van "Bethanie"

66 grepe bygevoeg ,  6 jaar gelede
geen wysigingsopsomming nie
No edit summary
No edit summary
 
== Geskiedenis ==
[[Lêer:SWA 50c-posseël sendeling Johann Schmelen Kleinschmidt, 1989.jpg|duimnael|links|270px|Suidwes-Afrika het in 1989 vier seëls uitgereik ter nagedagtenis aan die Rynse sendelinge, onder wie [[Johann Schmelen]], wat hier gewerk het as verteenwoordiger van die [[Londense Sendinggenootskap]].]]
Bethanie het 'n sterk fontein - in Afrikaans Klipfontein genoem - wat saam met sy weivelde reeds vroeg - vermoedelik in 1804 - as trekpleister vir die vestiging van Orlam-Nama's in die gebied gedien het. In die vroeë 19de eeu het die eerste sendelinge vanuit die [[Kaapkolonie]] na die noorde begin trek en op hulle pad ook 'n aantal sendingstasies gestig. Bethanie het sy ontstaan aan sendelinge van die [[Londense Sendinggenootskap]] te danke, maar vanweë die tekort aan sendelinge - en moontlik ook as ingevolge die destydse samewerking met die [[Rynse Sendinggenootskap]] - is die Duitse sendeling [[Johann Schmelen|Johann Heinrich Schmelen]] na Bethanie gestuur om die plaaslike Nama te kersten. Hy het die nedersetting, waar hy homself saam met 'n gemeenskap Orlams uit Pella gevestig het, ''Bethanien'' genoem - na die Bybelse dorp waar [[Jesus van Nasaret]] volgens oorlewering die doop ontvang het.
 
Die woonhuis, wat Schmelen in die dorp opgerig het, word as die eerste steengebou terplaatse beskou, en dit is heel waarskynlik ook die oudste gebou in Namibië. Die ''Schmelenhaus'' is intussen tot nasionale monument verklaar en huisves 'n museum oor die sendelinggeskiedenis van Bethanie.
 
Pastoor Schmelen het met 'n Nama-vrou, Zara, getrou wat hom by die aanleer van die Nama-taal en die vertaling van dele van die Nuwe Testament behulpsaam was. Die sendingwerk hetwas egter geblyk om 'n moeilike taak te wees. So het die Nama voortdurend rooftogte teen Herero's uitgevoer, en baie van hulle het die Duitse sendeling met wantroue bejeën. Uiteindelik is hy selfs verantwoordelik gehou vir 'n langdurige droogte en 'n verwoestende sprinkaanplaag. Schmelen het sy afskeid geneem en Bethanie saam met sy vrou en vier kinders in 1828 verlaat. Enkele jare later is die plaaslike sendingstasie deur die [[Rynse Sendinggenootskap]] oorgeneem wat in 1859 'n kerk met twee torings in die dorp laat bou het.
 
Later is nog meer kerkgeboue rondom die ''Schmelenhaus'' opgerig waarvan die twee oudstes en in argitektoniese opsig merkwaardigstes deur Evangelies-Lutherse gemeentes gebruik word. Meestal dien [[Afrikaans]] as preektaal. Die Nama-gemeente staan bekend vir sy indrukwekkende kerkgesang. Die plaaslike NG gemeente het in 1938 van Keetmanshoop afgestig en word tans in kombinasie met Maltahöhe bedien.<ref>[http://www.ngkerk.org.za/namibie/gemeentes_body.asp?gemeente_id=5 ''ngkerk.org.za - Namibië: Gemeentes / Bethanie'']</ref>
85 889

wysigings