Rikie Postma: Verskil tussen weergawes

Intussen het daar van haar in ''[[Die Kerkblad]]'' een en ander artikel verskyn en so intens het sy geniet om na te vors en weer te gee dat sy later 'n vaste rubriek "Vir die Kinders" behartig het. Ook het haar artikels gereeld in die ''[[Huisgenoot]]'' en ''[[Volksblad]]'' verskyn. Innig dankbaar en gelukkig was sy toewanneer daar van die ouers, veral moeders, 'n briefie van waardering vir haar stukkies gekom het,; dit was vir haar 'n wonderlike aanmoediging. Deur die guns van ''Die Kerkblad''-redaksie is sy later toegelaat om 'n keur van haar artikels te bundel en so is haar boek ''Lig uit die Ooste'' uitgegee. Haar eerste kinderverhaal was "Eisie die Veldkindjie". Later het vir die stadskinders gevolg "Krismisland". Van haar toneelstukkies is "Die Skone Slaapster" en "Waar die Reënboog End" nog lank deur skoolkinders opgevoer. Haar "Elsie, die Veldkindjie" is deur Stephanie Faure en haar suster Talitha in 'n toneelstukkie opgevoer en uitgegee. In die reeks ''Uit Eie Bodem'' het sy "Oue Dae en Dinge" geskryf, 'n verhaal vir kinders oor geskiedkundige plekke, voorwerpe en geboue in Kaapstad. Haar geskrifte is gekenmerk deur noukeurigheid van gegewens en vorm.