Bryan Habana: Verskil tussen weergawes

| byskrif = Habana in ligte luim tydens 'n toer

| vollenaam = Bryan Gary Habana

| geboortedatum = {{Geboortedatum en ouderdom|1983|6|12}}

| geboorteplek = [[Benoni]], [[Suid-Afrika]]

| super14opdatering = 1 Oktober 2016

| ru_provinsie = [[Goue Leeus]]<br />[[Blou Bulle]]<br />[[Westelike Provinsie]]

| ru_provinsiewedstryde = 21<br />14<br />8

| ru_provinsiepunte = (15)<br />(15)<br />(10)

Habana het sy rugbyloopbaan begin tydens sy hoërskoolopleiding by King Edward VII School, wat gevolg is deur die [[Rand Afrikaanse Universiteit]] en provinsiale rugby vir die [[Goue Leeus]]. Hy het vir die eerste keer internasionaal gespeel in die sewes-vorm van die spel toe hy vir die Springboksewesspan gekies is in die 2003-04 Wêreldsewesreeks. Hy het sy Curriebekerdebuut vir die Leeus gemaak in 2004. Hy is op grond van sy vertoning vir die Leeus gekies as die mees belowende speler in daardie jaar. In November het hy sy toetsdebuut gemaak teen Engeland op [[Twickenham Stadion|Twickenham]] op 21-jarige ouderdom. Hoewel die Springbokke die wedstryd 32-16 verloor het, het Habana wat as plaasvervanger op die veld gedraf het, 'n drie gedruk toe die bal die eerste keer na hom aangegee is. Die volgende week is Habana na die beginspan geskuif, waar hy twee drieë gedruk het om die 45-10 oorwinning oor [[Skotland nasionale rugbyspan|Skotland]] by [[Murrayfield Stadion|Murrayfield]] te help beklink. Die week daarna het hy weer in dieselfde posisie gespeel, op linkervleuel, in daardie jaar se finale toets teen [[Argentinië nasionale rugbyspan|Argentinië]] in [[Buenos Aires]]. Alhoewel hy nie 'n drie in die wedstryd gedruk het nie, was sy rekord nou drie drieë in drie toetse.

 

In 2005 het Habana na die [[Blou Bulle]] en [[Bulls]] verskuif. Na die [[2005 Super 12-seisoen]] is Habana, soos verwag is, in die 2005 Springbokspan ingesluit. Hy het linkervleuel gespeel in Suid-Afrika se openingswedstryd in 2005 teen [[Uruguay nasionale rugbyspan|Uruguay]], wat die Springbokke maklik gewen het met 134 punte teen drie, danksy twee drieë deur Habana. Suid-Afrika was daarna gasheer vir [[Frankryk nasionale rugbyspan|Frankryk]] in 'n mini-toetsreeks van twee kragmetings. Die eerste wedstryd het gelykop geëindig, 30-elk, en die tweede een het die Springbokke 27-13 gewen. Habana het in albei wedstryde twee drieë gedruk. In die aanloop tot die 2005 Drienasies, het Habana in twee toetse teen [[Australië nasionale rugbyspan|Australië]], die eerste, 'n nederlaag op die [[Telstra Stadion]], en die tweede, 'n 33-20 oorwinning op [[Ellispark]], gespeel. Habana het 'n drie gedruk in die tweede toets.

 

Habana het sy Drienasiesdebuut op [[30 Julie]] teen die Wallabies gemaak op die Bulls se tuisveld, [[Loftus Versfeld]] in [[Pretoria]]. Suid-Afrika het die wedstryd 22-16 gewen. Die volgende wedstryd teen die [[All Blacks]] op [[Nuwelandstadion|Nuweland]] is ook deur Suid-Afrika gewen. In die tweede toets teen Australië in [[Perth]] het Habana twee drieë gedruk in die Springbokke se 22-19 oorwinning. Die All Blacks het die laaste wedstryd van die reeks ook gewen, 31-27 in [[Carisbrook]]. Hoewel Suid-Afrika nie die reeks gewen het nie, het Habana uitgeblink as 'n krag in die internasionale rugbyarena. Hy het die reeks voltooi met die prestasie dat hy saam met Doug Howlett en Joe Rokocoko die meeste drieë gedruk het. In die Curriebeker het die Blou Bulle die eindstryd gehaal wat tuis op Loftus Versfeld teen die [[Vrystaat Cheetahs]] gespeel is. Die Cheetahs het die eindstryd gewen. In November 2005 het Habana vir die Springbokke teen [[Argentinië nasionale rugbyspan|Argentinië]], [[Wallis nasionale rugbyspan|Wallis]] en Frankryk gespeel en twee drieë teen Wallis gedruk.

 

 

Habana se mees dramatiese aksie in die [[2007 Super 14-seisoen]] was sy laaste-minuut-drie in die eindstryd wat dit vir [[Derick Hougaard]] moontlik gemaak het om 'n maklike doelskop waar te neem om die Bulls 'n dramatiese 20-19 oorwinning oor die Sharks te besorg.

Habana is gekies as vleuel vir die Springbokke se [[2007 Rugby Wêreldbeker]]span. In die Springbokke se eerste wedstryd teen Samoa het hy vier drieë aangeteken in die 59-7 oorwinning in [[Parys]]. Met 'n totaal van agt drieë na die halfeindstryd oorwinning oor Argentinië was Habana die voorste driedrukker van die 2007 Rugbywêreldbeker.

 

Sedert 2010 speel Habana vir die Stormers en Westelike Provinsie.

 

Habana speel op linkervleuel in die Springbokke se [[Rugbywêreldbeker 2011]]-span in [[Nieu-Seeland]]. Die Springbokke wen hul eerste wedstryd teen Wallis 17-16 met drieë deur Steyn en Hougaard. Hulle oorrompel Fiji en Namibië; maar wen net-net 13-5 teen [[Samoa nasionale rugbyspan|Samoa]] met Habana wat 'n drie behaal in die negende minuut. Suid-Afrika word ongelukkig daarna deur Australië met 11-9 in die kwarteind uitgeskakel.

 

Habana speel internasionaal in twee toetse teen Engeland in Junie 2012 en ses toetse (tot op 6 Oktober 2012) in die Rugbykampioenskap teen Argentinië, Australië en Nieu-Seeland. Hy behaal 'n driekuns drieë teen [[Australië nasionale rugbyspan|Australië]] op Loftus Versfeld op 29 September [[2012]].

 

Habana speel in al drie die Springbokke se wentoetse teen [[Italië nasionale rugbyspan|Italië]], Skotland en Samoa in Junie 2013, die Rugbykampioenskaptoetse teen Argentinië, Australië en Nieu-Seeland, asook die jaareindtoetse teen Engeland, Wallis en Frankryk.

 

Habana speel in al die Springbokke se toetse teen Wallis, Skotland en die Rugbykampioenskaptoetse teen Argentinië, Australië en Nieu-Seeland.

 

Habana speel in al die Springbokke se toetse in die Rugbykampioenskap. Hy is ook linkervleuel in die Springbokke se [[Rugbywêreldbeker 2015]]-span in [[Engeland]]. Die Springbokke verloor hul eerste wedstryd teen Japan 32-34, maar wen die volgende Saterdag 46-6 teen [[Samoa nasionale rugbyspan|Samoa]] met Habana wat 'n drie gedruk het in die 82ste minuut.