Verskil tussen weergawes van "Hoër Volkskool, Graaff-Reinet"

geen wysigingsopsomming nie
Die Hoër Volkskool het ontstaan uit die Midland Seminary vir meisies, wat geskoei was op die [[Hugenote-seminarie]] op [[Wellington, Wes-Kaap|Wellington]] en die Boy's College. Einde 1919 is dr. G. von W. Eubers as hoof van die plaaslike seunskool aangestel, maar toe hy Nederland deur Afrikaans vervang, het die Engelse ouers van die skool uit protes ’n privaat, Engelse kerkskool gestig omdat hulle nie genoeë geneem het met dié dubbelmedium-seunskool nie. Uit hierdie skool het die Union High School ontwikkel, onder die vorige bedeling naas die hoërskole vir seuns en meisies in [[Grahamstad]] en op [[Uitenhage]], die enigste wit, Engelstalige hoërskool op die Oos-Kaapse platteland, aangesien al die ander tweetalige of enkeltalig Afrikaans was.
 
In 1921 is ds. [[Jozua Francois Naudé|ds. J.F. Naudé]], die vader van ds. [[Beyers Naudé]], as leraar van die [[NG gemeente Graaff-Reinet]] bevestig. Hy het daarop aangedring dat die Taalordonnansie in die Midland Seminary tot sy reg kom, want hy het twee skoolgaande dogters gehad. Nadat die destydse superintendent-generaal van onderwys, dr. W.J. Viljoen, en sy hoofinspekteur die dorp besoek het, is besluit die ontevredenes sou 'n skool kry waar Engels die onderrigmedium sou wees en dat Afrikaanssprekende kinders in ’n enkele skool sou saamkom onder hoofskap van dr. G von W. Eybers. Hier sou hulle in hul moedertaal onderrig kon ontvang. Hierdie skool is vroeg in 1922 geopen en gou het Afrikaanse leerders van heinde en verre hierheen gekom om in hul moedertaal onderrig te word. Heel gou moes die skool dan ook vergroot word.
 
In 1926 het U.J. Cronjé vir dr. Eybers as hoof opvolg en onder sy leiding is die skool in die volgende 26 jaar uitgebou en ontwikkel. Sy liefde vir die Afrikaanse taal en kultuur het 'n groot indruk gemaak en aansteeklik gewerk; so het die Volkskool gedy tot 'n skool met 'n ongeëwenaarde Afrikaanse tradisie.
84 409

wysigings