P.V. Pistorius: Verskil tussen weergawes

== Lewe en werk ==

 

Philippus Villiers Pistorius was op [[16 Desember]] [[1907]] in die distrik [[Rustenburg]] gebore as die seun van Carl Wilhelm Frederick Theodore Pistorius ([[1871]]–[[1939]]) en Martha Josina van der Westhuizen ([[1877]]–[[1945]])<ref>Geni-webwerf: http://www.geni.com/people/Phillipus-Villiers-Pistorius/6000000017272437065</ref>Sy skoolopleiding ontvang hy op Rustenburg<ref>Nasionale Afrikaanse Letterkundige Museum en Navorsingsentrum (NALN) Bloemfontein. ''Pistorius, prof. dr. Philippus Villiers – Biografie.''</ref>

 

Hy studeer verder aan die [[Universiteit van Suid-Afrika]], waar hy die B.A.-graad en die B.A. Honneurs-graad verwerf. Daarna sit hy sy studies voort aan die [[Universiteit Stellenbosch|Universiteit van Stellenbosch]], waar hy die M.A.-graad en in [[1931]] die B.D.-graad behaal. Aan die [[Universiteit van Pretoria]] behaal hy in [[1937]] die D.Litt.-graad met ’n proefskrif oor ''Plotinus: ’n Studie in neoplatonisme'' (wat later in verwerkte vorm in Engels verskyn as ''Plotinus and neoplatonism: an introductory study''). Aan die Universiteit van [[Leiden]] in [[Nederland]] behaal hy in [[1939]] die D.Litt. et Phil.-graad met ’n proefskrif oor ''Indices Antinoopolitani.''

 

Tussen [[1932]] en [[1936]] staan hy in die bediening in die [[NG gemeente Roodepoort]] en van [[1936]] tot [[1938]] is hy leraar van [[NG gemeente Cottesloe|Cottesloe-gemeente]].

 

In [[1940]] word hy aangestel as senior lektor in [[Grieks]] aan die Universiteit van Pretoria en in [[1947]] word hy professor en hoof van die Departement Grieks, ’n pos wat hy tot met sy dood beklee.