Gereformeerde kerk Aliwal-Noord: Verskil tussen weergawes

| saamgesmelt_met=

}}

 

Die '''Gereformeerde kerk Aliwal-Noord''' is ’n gemeente van die [[Gereformeerde Kerke in Suid-Afrika]] op die [[Oos-Kaap]]se dorp [[Aliwal-Noord]]. Omdat Gereformeerde lidmate in die Suidoos-Vrystaat nog altyd dun gesaai was, het Aliwal van die begin af ook die [[Vrystaat]]se dorp [[Rouxville]] en omgewing ingesluit. Die handjie vol lidmate van die [[Gereformeerde kerk Zastron]] het met dié gemeente se ontbinding in 2004 ook by Aliwal-Noord ingeskakel, nes dié van [[Gereformeerde kerk Jamestown|Jamestown]] die jaar vantevore.

 

== Stigting van Aliwal-Noord ==

Die dorp het sy naam te danke aan die oorwinning wat sir [[Harry Smith]], goewerneur van die [[Kaapkolonie]], in 1847 in die slag van Aliwal, [[Indië]], op die leërs van Runjeet Singh behaal het. Hy het toe bekend geword as die held van Aliwal. In 1848 het die goewerneur die [[Oranjerivier]] as die grens van die Kaapkolonie geproklameer. Hy het sy sekretaris, J.C. Chase, as siviele kommissaris en magistraat benoem en hom gelas om 'n geskikte terrein vir sy hoofkwartier uit te soek. Chase het besluit op 'n terrein aan die linkeroewer van die Oranjerivier, en op [[12 Mei]] [[1849]] is die hoeksteen van sy hoofkwartier gelê. Aan hierdie nuwe dorp is die naam Aliwal-Noord gegee. Die dorp het geleidelik uitgebrei en het in 1854 munisipale status verwerf. In 1876 is Aliwal-Noord telegrafies met die Suide verbind; in 1877 is begin met die ontginning van sy warmwaterbronne en in 1885 is 'n spoorweglyn na die dorp aangelê. Dit alles het aansienlik bygedra tot die ontwikkeling van die dorp. Die Juanaplein-tuin in die middel van Aliwal-Noord is genoem na lady Juana Smith, eggenote van die goewerneur. Sy was 'n Spaanse meisie en is met sir Harry Smith getroud toe sy nog nie 14 jaar oud was nie. Sy het hom gevolg waar sy lewe as soldaat hom ook al gevoer het. Volgens oorlewering was hul liefdesgeskiedenis besonder romanties. In 1852 is die eerste gemeente op die dorp gestig, naamlik die [[NG gemeente Aliwal-Noord]]. Die dienste is waargeneem deur die konsulent ds. [[John Murray]] van Burgersdorp. Daarna het 'n teologiese kandidaat, P. Huet, die gemeente 'n jaar lank gelei. Eers in 1859 het hulle 'n voltydse predikant gekry.