Jan Lion Cachet: Verskil tussen weergawes

Hy trou in 1868 op [[Burgersdorp]] met Zwaantje Postma (oorlede 1875), oudste dogter uit ds. [[Dirk Postma]] se derde huwelik, op [[11 Februarie]] [[1850]] met Ida Sijpkens (†[[30 Maart]] [[1857]]). Haar oudste broer is drie weke ná sy geboorte in Julie 1851 oorlede, maar haar broers [[Petrus Postma]] (1854–1919), veral bekend as Gereformeerde leraar in Pretoria en pres. [[Paul Kruger]] se kapelaan en raadgewer, en [[Martinus Postma]] (1855–1926), eerste Gereformeerde predikant aan die [[Witwatersrand]], het bekendheid verwerf. Die twee kinders uit hierdie huwelik is jonk oorlede. In 1877 trou hy met Catharina Viljoen (oorlede 1885), dogter van sy kollega, ds. [[Petrus Viljoen|P.J. Viljoen]], emeritus-predikant van [[Gereformeerde kerk Colesberg|Colesberg]]. Twee seuns en 'n dogter (Anna Mirjam, mev. H.J.J. van der Walt) is uit die huwelik gebore. Die oudste seun, 'n belowende student in die teologie, was kmdt. [[Calman Lion Cachet]], wat op [[13 Augustus]] [[1901]] op Poortjie, distrik [[Steynsburg]], sneuwel. (Die ander seun het Petrus geheet.) Op [[15 Maart]] [[1901]] word Cachet self op aanklag van hoogverraad deur die Britse militêre owerheid ses weke op Burgersdorp in die gevangenis opgesluit en daarna op borgtog van £3 000 uitgelaat, maar die aanklag word later teruggetrek. In 1889 trou Cachet op [[Venterstad]] met Martha Sophia Viljoen (oorlede 1939), 'n niggie van sy tweede vrou en dogter van Francois Jacobus Viljoen. Uit dié huwelik kom daar 'n seun en 'n dogter, later getroud met prof. [[Joon van Rooy|J.C. van Rooy]] van Potchefstroom. Sy weduwee trou in 1922 met die vader van haar skoonseun.