Jan de Bruin: Verskil tussen weergawes
Content deleted Content added
Morne (besprekings | bydraes) No edit summary |
Morne (besprekings | bydraes) No edit summary |
||
Lyn 20:
== Herkoms en opleiding ==
Jan de Bruin was die oudste van die 17 seuns en dogters van David Stefanus en Elsie Phillipina de Bruin. As oudste kind moes hy noodwendig help om sy jonger sibbes groot te maak. In 1925 het hy matriek aan die [[Hoërskool Burgersdorp]] geslaag en in 1926 met sy akademiese en teologiese studie aan die destydse Potchefstroomse Universiteitskollege begin. In 1932 het hy sy studie suksesvol voltooi en in Januarie 1933 is hy deur die Kaaplandse Partikuliere Sinode beroepbaar gestel.
== Gemeentebediening ==
Weens die [[Groot Depressie]] en langdurige droogte wat die land destyds geteister het, moes hy twee en ’n half jaar op ’n beroep wag. In dié tyd het hy in verskeie gemeentes hulp verleen. In Mei 1935 het hy 'n beroep na die kombinasie [[Gereformeerde kerk Vryburg|Vryburg]]-[[Gereformeerde kerk Goeie Hoop|Goeie Hoop]] ontvang en dit met blydskap en groot dankbaarheid aanvaar. Hier sou hy werk tot hy in 1943 'n beroep na [[Gereformeerde kerk Bethlehem|Bethlehem]]-[[Gereformeerde kerk Harrismith|Harrismith]]-[[Gereformeerde kerk Reitz|Reitz]] aanvaar het. Hier het hy ywerig gewerk tot hy in 1948 'n beroep na [[Gereformeerde kerk Innesdal|Innesdal]] in [[Pretoria]] aanvaar het.
Ná 21 geseënde bedieningsjare het hy in 1971 vir die laaste keer 'n beroep aanvaar na die gekombineerde gemeentes [[Gereformeerde kerk Fauresmith|Fauresmith]]-[[Gereformeerde kerk Philippolis|Philippolis]]-[[Gereformeerde kerk Koffiefontein|Koffiefontein]]. Hier het hy in 1977 ná 42 jaar in die bediening op 71-jarige leeftyd [[emeritaat|geëmeriteer]].
Ná sy emeritaat het hy en sy vrou hulle met reisattestaat in die gemeente [[Gereformeerde kerk Pretoria-Magalieskruin|Pretoria-Magalieskruin]] gevestig. In dié gemeente was hulle, volgens ds. E.J. Smit, die leraar ten tyde van ds. De Bruin se dood, nie "net aktiewe lidmate nie, maar het hy ook met groot seën nog gewerk as hospitaalpredikant. Verder het hy ook nog met dienswerk gehelp in Huis Hermon."
== Waardering ==
Ds. Smit skryf in die GKSA se ''Almanak'' vir 1996: "Gedurende sy verblyf in Magalieskruin het ek hom werklik goed leer ken. Jan de Bruin was 'n man wat met God gewandel het. Hy was 'n nederige dienskneg van die Here wat in alles die eer van die Here eerste gestel het. Hy was 'n hardwerkende man wat geseënd was met goeie gesondheid. In 42 jaar was hy nie 'n enkele Sondag vanweë siekte nie op die preekstoel nie.
"Op sendinggebied het hy baanbrekerswerk in Pretoria gedoen. Hy het in soveel deputaatskappe van die Partikuliere Sinode Noord Transvaal en Nasionale Sinode gedien dat dit te veel is om op te noem. Op onderwysgebied het hy reusewerk gedoen. Vir my persoonlik was hy 'n geestelike vader, 'n man uit wie se ryke lewenservaring ek ontsaglik baie kon put met die oog op my bediening. Wat my die meeste van hom getref het, was sy nederigheid en gehoorsaamheid aan God se Woord. In hom het 'n warm Afrikanerhart geklop. Daarom het hy homself gegee vir sy land en sy volk. Sy taak was afgehandel. Daarom het God hom weggeneem. Ons eer graag so 'n voorganger soos Jan de Bruin."
== Gesinslewe ==
| |||