[[Lêer:Paul en Gezina Kruger.jpg|duimnael|regs|230px|Pres. Paul en mev. Gezina Kruger.]]
'''Gezina Susanna Frederika Wilhelmina''' (gebore Du Plessis, bynaam tant Siena, [[Burgersdorp]], [[Kaapkolonie]], [[5 Mei|5]] of [[6 Mei]] [[1831]] – [[Pretoria]], [[Transvaal]], [[20 Julie]] [[1901]]) was die tweede vrou van pres. [[Paul Kruger]] en die moeder van 15 van sy 17 kinders. Die [[Pretoria]]se voorstad [[Gezina, Pretoria|Gezina]] is na haar genoem. Vanaf hul huwelik in 1847 het sy haar man amper 55 jaar lank as troue lewensmaat in voor- en teëspoed bygestaan en met haar afsterwe het sy die ou president diep bewoë en verslae in ballingskap agtergelaat. Volgens prof. [[S.P. Engelbrecht]] was sy "stil en teruggetrokke van aard, sober en eenvoudig in haar kleding. Haar krag het in die huislikheid gelê wat sy in haar gesin geskep het."<ref>{{af}} [[S.P. Engelbrecht|Engelbrecht, prof. S.P.]], Agar-Hamilton, J.A.I., Pelzer, prof. A.N. en Behrens, H.P.H. 1952. ''Eeufees-album. Pretoria se eerste eeu in beeld''. Pretoria:J.L. van Schaik, Beperk.</ref>
