Gereformeerde kerk Johannesburg (herstig): Verskil tussen weergawes

Die '''Gereformeerde kerk Johannesburg (herstig)''' was gemeente van die [[Gereformeerde Kerke in Suid-Afrika]] in [[Johannesburg]] met 'n kortstondige bestaan en wat 'n reusegebied beslaan het van die westelike voorstede van Bedfordview in die ooste tot [[Braamfontein]] in die weste en die noordelike voorstede suid van Chester-, Jellicoe- en Corlettrylaan.

 

In sy stigtingsjaar het die belydende lidmate 280 getel en die dooplidmate 47. Elf jaar later, toe die gemeente in 1997 met [[Gereformeerde kerk Johannesburg-Noord|Johannesburg-Noord]] saamsmelt as [[Gereformeerde kerk Johannesburg-Melville|Johannesburg-Melville]], was hier 241 belydende lidmate en 80 dooplidmate. In daardie jaar het Johannesburg-Noord 186 belydende en 37 dooplidmate gehad. Ná die samesmelting was hier 296 belydende en 81 dooplidmate, onderskeidelik 131 en 36 minder as die samestellende dele se totaal 'n jaar vantevore.

 

Die stigting van Johannesburg (herstig) was die eerste van vier samesmeltings tussen 1986 en 2002 wat die getal Gereformeerde kerk met die naam Johannesburg in hul naam van ses tot een verminder het. Al het [[Gereformeerde kerk Johannesburg-Suid|Johannesburg-Suid]] in 1997 met [[Gereformeerde kerk Klipriviersberg|Klipriviersberg]] saamgesmelt en gebruik die lidmate van die saamgestelde gemeente sedertdien Klipriviersberg se kerkgebou in [[Oakdene]] en nie Johannesburg-Suid s'n in [[Turffontein]] nie, heet die saamgestelde gemeente Johannesburg-Suid, sedert 2002 die enigste "Johannesburgse" gemeente.

 

Die eerste [[Gereformeerde kerk Johannesburg]] is op [[23 Mei]] [[1896]] gestig en het die hele sentrale [[Witwatersrand]], die [[Oos-Rand]] en die westelike dele van die [[Wes-Rand]] beslaan. Nadat die gemeente te groot geraak het, is [[Gereformeerde kerk Johannesburg-Oos|Johannesburg-Oos]] op [[29 Februarie]] [[1924]] afgestig en [[Gereformeerde kerk Johannesburg-Noord|Johannesburg-Noord]] die volgende dag ([[1 Maart]]). Sowat ses jaar later is nog twee gemeentes kort ná mekaar afgestig: [[Gereformeerde kerk Johannesburg-Wes|Johannesburg-Wes]] op [[13 Desember]] [[1930]] en [[Gereformeerde kerk Johannesburg-Suid|Johannesburg-Suid]] op [[10 Januarie]] [[1931]]. Binne net langer as ses jaar het die Johannesburgse gemeentes dis van een tot vyf toegeneem, maar op [[1 April]] [[1943]] is die grense tussen Johannesburg en Johannesburg-Wes opgehef. Op [[22 Oktober]] [[1950]] is Johannesburg herstig en vanaf 1952 het dit bekendgestaan as Johannesburg-Mayfair.

 

In dieselfde jaar, op Sondag [[30 Maart]], is [[Gereformeerde kerk Johannesburg-Sentraal|Johannesburg-Sentraal]] van Johannesburg-Noord (met sy kerkgebou op die h.v. Eerstelaan en Derdestraat, [[Melville]]) en -Wes (Putneyweg 35, [[Brixton]]) afgestig. Die gedagte was dat Johannesburg-Sentraal deur middel van evangelisasie (veral in die digbevolkte woonstelbuurte om die middestad) sou uitgroei tot ’n selfstandige gemeente. Die grense is so getrek dat dit die volgende stadsgebiede sou insluit: New Canada in die weste, Langlaagte, Crown Mines, [[Mayfair]], Goedehoop, [[Vrededorp]], die middestad ([[Braamfontein]], [[Hillbrow]], [[Doornfontein]]) en ver in die noorde, [[Norwood]]. In die middestad was Eloffstraat die grens. Van dié voorstede oorvleuel egter met dié wat aangegee word by Johannesburg-Mayfair in die laaste uitgawe van die ''Almanak'' waarin dié gemeente voor die ontstaan van Johannesburg (herstig) voorkom, naamlik Mayfair, Langlaagte en Vrededorp.

 

In die laaste jaar waarin die drie samestellende dele van Johannesburg (herstig) bestaan het, was die lidmaattalle van al drie soos volg:

 

Uit hierdie syfers en die voorstede wat in 1986 se ''Almanak'' by Johannesburg-Mayfair aangegee word en in 1987 s'n by Johannesburg-Wes, is dit duidelik dat Johannesburg (herstig) grotendeels 'n samesmelting van Johannesburg-Sentraal en -Oos was, terwyl Johannesburg-Mayfair by Johannesburg-Wes ingelyf is. In die ''Almanak'' van 1987 word Johannesburg-Wes se stigtingsdatum dan juis as 1986 aangedui, pleks van 1930. Eers in die ''Almanak'' van 1992 is die "fout" reggestel en word Johannesburg-Wes se stigtingsdatum weer as 1930 aangedui, hoewel sy gegewens toe nog laaste in die chronologiese lys van gemeentes in Klassis Johannesburg was.

 

Terwyl Johannesburg-Sentraal se lidmaattal van 1986 tot 1997 taamlik konstant gebly het (die sieletal het afgeneem van 327 tot 321), was dit blykbaar die skerp afname in [[Gereformeerde kerk Johannesburg-Noord|Johannesburg-Noord]] se sieletal van 381 tot 223 wat sou lei tot die samesmelting van die twee gemeentes in 1997. Terwyl Johannesburg-Oos se kerkgebou in [[Jeppestown]]/[[Fairview]] met die ontstaan van Johannesburg (herstig) in 1986 oorgegaan het na die Good News Community Church ('n Gereformeerde gemeente) en Johannesburg-Mayfair se kerk in Mayfair verkoop is, het Johannesburg (herstig) se kerk (die ou Johannesburg-Sentraal) se kerkgebou in Jutastraat in 1997 die tuiste van die Good News Community Church geword, terwyl die kerk in Jeppestown die tuiste van die Franstalige Eglise de la Bonne Nouvelle (gestig in 1997) geword het.

 

 

{| class="wikitable"

| Johannesburg || 1896 || 1986/1997 || Thorastraat, Mayfair || Woonhuis

|-

|-

|-

| Johannesburg-Wes || 1930 || 1998 || Putneyweg 35, Brixton || Woonhuis

|-

|-

|-

|-

|}