Jopie Erasmus: Verskil tussen weergawes

Ds. '''Jopie Fourie Erasmus''' (distrik [[Bethlehem]], [[Oranje-Vrystaat]], [[17 September]] [[1914]] – Soutpansberg, [[27 Junie]] [[1946]]) was vier jaar lank sendingleraar van die [[Gereformeerde Kerke in Suid-Afrika|Gereformeerde Kerk]] op die sendingstasie DieDe Hoop tot sy dood weens ’n skietongeluk.

In sy lewensberig in die ''Almanak'' van 1947 skryf ds. [[J.V. Coetzee]]: "’n Baie swaar slag – ons kan byna sê 'n ramp – het die Geref. Kerk getref aan die einde van Junie 1946, toe wyle ds. J.F. Erasmus, missionêre leraar op die sendingstasie, Die(De Hoop), deur 'n tragiese geweerongeluk die lewe gelaat het in die ouderdom van nog geen 32 jaar nie. Ongeveer vier jaar lank het die jong broeder op die sendingveld van die Geref. Kerk in die Soutpansberge gearbei waar hy die grondslae van 'n nuwe sendingterrein heg en stewig gelê het. Plotseling het hy heengegaan in die bloei van sy lewe – 'n man van wie ons nog sulke hoë verwagtings gekoester het. Tereg het ds. J.A. Schutte wat die begrafnis op [[Brits]] gelei het, dan ook gespreek oor Ps. 77: 20: 'O God, u weg is in die see en u paaie in groot waters en u voetstappe is nie te beken nie.'"

Jopie Erasmus is gebore in die distrik Bethlehem, OVS, as die tweede seun van Pieter Johannes Erasmus en Emmerentia Cornelia Pieterse. Toe hy gebore is, was sy vader, wat in 1914 met die [[Maritz-rebellie|gewapende protes]] meegegaan het, op kommando. Sy vader is destyds gevange geneem en het 'n lang tyd in die gevangenis deurgebring. Vandaar dat Jopie Erasmus al byna twee jaar oud was voordatvoor hy gedoop is. Hy het die naam Jopie Fourie Erasmus gekry, genoem na kmdt. [[Jopie Fourie]] wat op [[16 Desember]] [[1914]] in die [[Pretoria]]se gevangenis gefusilleer is.

Die kerkrade van die Gereformeerde kerke [[Gereformeerde kerk Reddersburg|Reddersburg]] en [[Gereformeerde kerk Burgersdorp|Burgersdorp]] het in Oktober 1941 ’n kombinasie gevorm met die oog daarop om ’n sendingleraar na Noord-Transvaal te stuur. Nadat die stukke in orde gebring is, is prop. Erasmus beroep. Hy het die beroep aangeneem en op die Burgersdorpse kerkraad se vergadering van [[27 Maart]] [[1942]] is besluit om 'n sendingkommissie te benoem wat namens die kerkraad aandag kon skenk aan sendingsake en saam te werk met die sendingkommissie van Reddersburg met die twee leraars van die gemeentes as dagbestuur, en verdervoorts is 'n reëlingskommissie benoem vir die ontvangs van prop. Erasmus.

Hy is op [[25 April]] [[1942]] op Burgersdorp in die amp bevestig deur ds. A.S.E. Yssel van Reddersburg en sou later op Reddersburg verwelkom word. Daarmee het die sendingaksie waarvoor wyle ds. [[Dirk Postma, seun van Martinus|Dirk Postma]] so geywer het, eindelik sy vaste loop verkry, en van toe af sou die kerkraad gereelde rapporte van die sendingwerk kon behandel. Ds. Erasmus moes met behulp van sy sendingkommissies en in oorleg met die deputate van die kerkverband 'n nuwe sendingstasie uit die grond uit opbou, en dit spreek vanself dat daar baie probleme was wat opgelos moes word. Gaandeweg het onder sy leiding die aksie te De Hoop egter gevorder en het dit geskyn dat die vrugte van harde arbeid gesmaak sou kon word.

Ná bevestiging het hy na Siloam gegaan, waar hy 'n tyd lank saam met ds. [[Hugo du Plessis]] gearbei het, voor hy gaan woon het op die nuwe sendingterrein DieDe Hoop. In Februarie 1943 is hy getroudop in die [[Gereformeerde kerk Brits|Gereformeerde kerk]] op [[Brits]] met Catharina S. Ras getroud en saam met sy jong vrou het hy homself met volle bors op die sendingarbeid toegelê. ’n Mooi begin is gemaak en die aanvoorwerk van die nuwe arbeid is goed en deeglik gedoen.

Dr. [[Stephanus van der Walt|S.J. van der Walt]] van [[Gereformeerde kerk Burgersdorp|Burgersdorp]] het in ''[[Die Kerkblad]]'' van [[19 Junie]] [[1946]] die volgende geskryf oor sy dood: "Hy het dadelik besef dat hy dit nie kon oorlewe nie. Terwyl sy vriende hom ondersteun het, het hy 'n gebed opgestuur tot sy God en sy siel aan Gods genade opgedra. Hy is toe vervoer na die plaaswoning daar naby, waar hy kalm en vol geloofsvertroue sy einde afgewag het. Hy het allerlei boodskappe vir sy dierbares nagelaat en onder meer ook die begeerte uitgespreek dat sy tweejarige seuntjie eendag vir predikant moetmoes leer.

"Verder het hy alles gereël in verband met sy begrafnis en ook gesê waar hy begrawe moet word. Die dokter het uiteindelik opgedaag van [[Louis Trichardt]] af. Maar toe was sy kragte reeds so verswak dat hy beswyk het, omtrent drie uur nadat hy die skoot gekry het. Die volgende môre het die geselskap aangekom by sy niksvermoedende vroutjie op DieDe Hoop. Toe moes sy die verpletterende boodskap hoor. So verbysterend en skokkend was die berig dat al die bediendes en naturelle van die huis af weggehardloop het en eers later teruggekeer het."

Aangesien geen ander broeders beskikbaar was om beroep te word as missionêre predikantepredikant nie, kon die kombinasie Reddersburg-Burgersdorp die vakante plek nie vul nie en sou die saak van die kombinasie dus later weer van vooraf aangepak moes word. Dit het in 1948 gebeur toe die kerkraad van Burgersdorp aandag moes skenk aan 'n voorstel van die sendingkommissie van Reddersburg op sy vergadering van 17 September, op wat ds. Erasmus se 34ste verjaardag sou gewees het.