Die vleis van tollies en verse is soortgelyk, (indien dit dieselfde behandel is), behalwe dat tollies effens minder vet en meer spiereweefsel het. Afhangende van die [[ekonomie]], sal die aantal verse wat teruggehou word vir teling wissel. Ouer diere word gebruik vir vleis wanneer hulle verby hul reproduktiewe tyd vorder. Die vleis van ouer koeie en bulle is gewoonlik taaier en word dikwels gebruik vir [[maalvleis]]. Beeste wat vir vleis geteel word, word toegelaat om vrylik rond te loop op grasveld, of kan ingeperk word op 'n stadium in krale as deel van 'n voedingskema bekend as 'n voerkraal (of gekonsentreerde dierevoedingprogram), waar hulle gewoonlik 'n rantsoen van [[graan]] gevoer word, hoë [[proteïen]], hoë [[vesel]] en 'n [[vitamien]]-en-[[mineraal]] voormengsel.
Beesvleis is die vleissoort wat die derde meeste geëet word ter [[wêreld]], ongeveer 25% van alle vleisprodukte, ná [[varkvleis]] en [[Hoendervleis|pluimvee]] met onderskeidelik 38% en 30%.<ref name="sciencenews.org">{{cite news|url=http://www.sciencenews.org/articles/20030531/food.asp|first=Janet|last=Raloff|title=Food for Thought: Global Food Trends|work=Science News Online| accessdate =20 April 2010| date= 31 Mei 2003|language=en}}</ref> Die [[Verenigde State van Amerika|Amerika]], [[Brasilië]], en [[Volksrepubliek China|China]] is die drie grootste verbruikers van beesvleis ter wêreld. Op 'n per kapita basis in 2009, het die [[Argentinië|Argentyne]] die meeste beesvleis geëet met 65 kg per persoon; mense in die VSA het elk 40 kg geëet, terwyl diegene in die EU 17 kg geëet het.<ref name="usda-lpwmt">{{cite web|url=http://www.fas.usda.gov/dlp/circular/2009/livestock_poultry_10-2009.pdf|format=PDF|title=Livestock and Poultry: World Markets and Trade (Oktober 2009)| accessdate =20 April 2010| archiveurl= http://web.archive.org/web/20100413192636/http://www.fas.usda.gov/dlp/circular/2009/livestock_poultry_10-2009.pdf| archivedate= 13 April 2010|dead-url=yes|language=en}} USDA PDF</ref>
Die wêreld se grootste uitvoerders van beesvleis is [[Indië]], Brasilië, [[Australië]] en die VSA.<ref>[http://www.indexmundi.com/agriculture/?commodity=beef-and-veal-meat&graph=exports Beef and Veal Meat Exports by Country in 1000 MT CWE]. 25 Maart 2013</ref> Beesvleisproduksie is ook belangrik in die ekonomieë van [[Uruguay]], [[Kanada]], [[Suid-Afrika]], [[Paraguay]], [[Meksiko]], [[Argentinië]], [[Rusland]] en [[Nicaragua]].
