Eksotermies: Verskil tussen weergawes

In [[termodinamika]], word die term '''eksotermies''' beskryf as 'n proses of reaksie wat energie vrystel, gewoonlik in die vorm van hitte, maar ook in die vorm van lig (bv 'n vonk, 'n vlam, of flits), elektrisiteit (bv 'n battery), of klank (soos byvoorbeeld die ontploffing gehoor wanneer [[waterstof]] brand). Eksotermies is die teenoorgestelde van [[endotermies]]. Die woord vind sy oorsprong in die [[Grieks|Griekse]] woorde ''exo'', ("buite") en ''thermasi'', (verhit).<ref>Perrot, Pierre (1998). ''A to Z of Thermodynamics''. Oxford University Press. ISBN 0-19-856552-6.</ref>

 

* Seker die bekendste eksotermiese reaksie is die verbrandingsreaksie: C + O₂ → CO₂ + energie. Tydens hierdie reaksie verbrand enige bron van [[koolstof]] met [[suurstof]] om [[Koolstofdioksied|CO₂]] te vorm, maar ook hitte.

* Kondensasie: Wanneer iets verdamp (soos [[alkohol]] op jou vel - kyk [[endotermies]]) word energie opgeneem, maar wanneer iets kondenseer, stel dit hitte vry. Dus, om water uit die oseaan te verdamp het jy energie in vorm van die son nodig, maar wanneer die waterdamp weer kondenseer, gebeur die teenoorgestelde en stel dit daardie hitte wat nodig was om te verdamp, weer vry.

* Wanneer [[sement]] of [[hars]] hard word, stel dit hitte vry.<ref>Omdat sement relatief lank neem om te set, sal 'n mens nie altyd die verhoging in temperatuur opmerk nie, maar as jy 'n blik hars (wat gebruik word wanneer jy met [[veselglas]] werk) neem en die aktiveerder daarin gooi en goed roer, gaan jy na 'n ruk 'n duidelike verhoging in temperatuur waarneem.</ref>

 

* [[Endotermies]]

* [[Tweede wet van termodinamika]]

 

<references />