Port Alfred: Verskil tussen weergawes

'''Port Alfred''' is 'n gewilde vakansieoord in die [[Oos-Kaap]]provinsie, [[Suid-Afrika]], wat uitstekende geriewe vir alle soorte [[watersport]] bied. Die dorp by die monding van die [[Kowierivier]] lê halfpad tussen [[Port Elizabeth]] en [[Oos-Londen]] op die R72-pad. Die ''Methodist Settlers' Church'' uit die jaar 1827 is 'n nasionale monument.

 

Die geskiedenis van die dorp is nou saamgeweef met dié van die rivier en hawe. Die [[1820-Setlaars|Britse Setlaars van 1820]] het gou die potensiaal van 'n hawe in die riviermond raakgesien. Die regering was hulle goedgesind en in 1821 het die [[brik]] ''Locust'' maklik oor die sandbank by die mond gevaar. Na 10 jaar het die regering egter onttrek. William Cock het daarna 'n maatskappy in 1841 gestig, die ''Kowie Harbour Improvement Company'' om die hawe verder te ontwikkel. In 1857 oorreed hy die regering om weer betrokke te raak. Die hawe word in 1861 vir verkeer oopgestel en die volgende 20 jaar was 'n bloeitydperk vir die hawe.

 

Die dorp self is in 1825 gestig en het eers Port Frances geheet. In 1860 is die naam na Port Alfred verander om die besoek van die tweede seun van [[Victoria van die Verenigde Koninkryk|koningin Victoria]] te gedenk. Die koms van die spoorlyn in 1881 was die finale spyker in die hawe se doodskis.

 

Die Kowierivier is vir 32 km bevaarbaar. Die dorp is vandag 'n gewilde vakansiebestemming wat [[hengel|visvang]], [[skubaduik]], [[branderplankry]] en ander ontspanning aanbied. Die dorp is ook gewild onder die skulpversamelaars, meer as 1 800 verskillende [[spesie]]s skulpe is op die kus gevind.

 

Port Alfred is ook die tuiste van ''van Stenden Suid-Afrika'' - deel van Stenden Universiteit in Nederland.

 

* [[Lys van dorpe in Suid-Afrika]]

 

{{Verwysings}}

 

* {{cite book |last=Erasmus |first= B.P.J.|authorlink=B.P.J. Erasmus |title=[[Op Pad in Suid-Afrika]]|year= 1995|publisher=Jonathan Ball Uitgewers |isbn= 1-86842-026-4}}

 

{{cite book|last = Turpin|first = Eric W|authorlink = |coauthors = |title = Basket Work Harbour; The Story of the Kowie|publisher = [[Howard Benson Timmins|Howard Timmins]]|date = 1964|location = Kaapstad|pages = 136| |doi = |id = |isbn =0869782444}}