|
'''P.V. Pistorius''' (*[[16 Desember]] [[1907]], [[Rustenburg]] – '''†''' [[24 Oktober]] [[1972]], [[Pretoria]] ) was 'n professor in [[Grieks]] aan die [[Universiteit van Pretoria]], predikant van die [[NG Kerk]] en skrywer van verskeie boeke oor die oudheid, met sy fokus is veral op die Griekse klassieke wêreld.
Onder die [[skuilnaam]], '''P. de Villiers''' skryf hy ook ’n aantal populêre [[roman]]s.
=== Herkoms en opleiding ===
Philippus Villiers Pistorius wasis op [[16 Desember]] [[1907]] in die distrik [[Rustenburg]] gebore as die seun van Carl Wilhelm Frederick Theodore Pistorius (1871–1939) en Martha Josina van der Westhuizen (1877–1945)<ref>Geni-webwerf: http://www.geni.com/people/Phillipus-Villiers-Pistorius/6000000017272437065</ref> Sy skoolopleiding ontvang hy op Rustenburg<ref>[[Nasionale Afrikaanse Letterkundige Museum en Navorsingsentrum]] (NALN) Bloemfontein. ''Pistorius, prof. dr. Philippus Villiers – Biografie.''</ref>
Hy studeer verder aan die [[Universiteit van Suid-Afrika]], waar hy die [[B.A.-graad|B.A.]]- en die B.A. Honneurs-graadgrade verwerf. Daarna sit hy sy studies voort aan die [[Universiteit Stellenbosch|Universiteit van Stellenbosch]], waar hy die M.A.-graad en in [[1931]] die B.D.-graad behaal. Aan die [[Universiteit van Pretoria]] behaal hy in [[1937]] die D.Litt.-graad met ’n proefskrif oor ''Plotinus: ’n Studie in neoplatonisme'' (wat later in verwerkte vorm in Engels verskyn as ''Plotinus and neoplatonism: an introductory study''). Aan die Universiteit van [[Leiden]] in [[Nederland]] behaal hy in [[1939]] die D.Litt. et Phil.-graad met ’n proefskrif oor ''Indices Antinoopolitani.''
=== Loopbaan ===
Tussen [[1932]] en [[1936]] staan hy in die bediening in die [[NG gemeente Roodepoort]] en van 1936 tot [[1938]] is hy leraar van [[NG gemeente Cottesloe|Cottesloe-gemeente]].
In [[1940]] word hy aangestel as senior lektor in [[Grieks]] aan die Universiteit van Pretoria en in [[1947]] word hy professor en hoof van die Departement Grieks, ’n pos wat hy tot met sy dood beklee.
=== Politieke betrokkenheid ===
Hy het vier keer getrou. Sy oudste seun, Carl Wilhelm Frederick Theodore, is op [[29 Desember]] [[1935]] gebore en op [[2 Desember]] [[1975]] oorlede.
P.V. Pistorius is op [[24 Oktober]] [[1972]] in [[Pretoria]] oorlede.<ref>Anoniem. ''Prof''. ''Pistorius skielik dood.'' [[Die Transvaler]], 26 Oktober 1972</ref>
== Skryfwerk ==
| 