Burgeroorlog: Verskil tussen weergawes

 

== Formele klassifikasie ==

James Fearon, 'n kenner van burgeroorloë aan die Stanford Universiteit, definieer 'n burgeroorlog as 'n gewelddadige konflik binne 'n land wat geveg word deur georganiseerde groepe wat daarop gemik is om in die sentrum of in 'n streek mag te neem, of om regeringsbeleid te verander.<ref name=fearon/> Ann Hironaka spesifiseer verder dat die een kant van 'n burgeroorlog die [[staat]] is.<ref name=hironaka3/> Die intensiteit waarteen burgerlike onrus oorgaan in 'n burgeroorlog, word deur akademici betwis. Sommige politieke wetenskaplikes definieer 'n burgeroorlog as 'n konflik met meer as 1000 ongevalle<ref name=fearon/>, terwyl ander verder spesifiseer dat minstens 100 van elke kant af moet kom.<ref>Edward Wong, [https://www.nytimes.com/2006/11/26/world/middleeast/26war.html?_r=1&oref=slogin "A Matter of Definition: What Makes a Civil War, and Who Declares It So?"] ''New York Times'' November 26, 2006</ref> Die ''Correlates of War'', 'n datastel wat algemeen gebruik word deur geleerdes van konflik, klassifiseer burgeroorloë as meer as 1000 oorlogsverwante ongevalle per jaar in die konflik. Hierdie koers is byvoorbeeld 'n klein fraksie van die miljoene wat in die Tweede Soedanese Burgeroorlog en Kambodjaanse Burgeroorlog gedood is, maar sluit verskeie hoogs gepubliseerde konflikte uit, soos "''The Troubles''" van Noord-Ierland en die stryd van die [[African National Congress]] in die [[apartheid]]sera [[Suid-Afrika]].<ref name=hironaka3/>