British South Africa Company: Verskil tussen weergawes

Die '''British South Africa Company''' ('''BSAC''' of '''BSACo''') was hoofsaaklik 'n mynboumaatskappy, maar het ook in 'n stadium die adminstrasie van [[Noord-Rhodesië]] en [[Suid-Rhodesië]] behartig.

 

In 1888 bring [[Cecil John Rhodes]], [[Charles Rudd|Charles Dunnell Rudd]] en [[Francis Robert Thompson]] 'n sindikaat op die been wat hulle die Central Search Association noem en as sulks verkry hulle die [[Rudd-konsessie]] van koning [[Lobengula]]. Die sindikaat smelt later met The Exploration Co. Ltd. saam en gevolglik ontstaan die ''British South Africa Company'' in Maart 1889 met Rhodes as besturende direkteur in [[Afrika]]. Die direksie was onder voorsitterskap van die hertog van Abercorn en onder die direkteure was mense soos die hertig van Fife, lord Gifford en [[George Cawston]].

 

Die BSA Co. neem beheer van die Rudd-konsessie oor en stem in om die helfte van die maatskappy se netto opbrengs aan die Central Search Association oor te betaal. In 1893 koop die BSA Co. dié sindikaat uit.

 

Op [[29 Oktober]] [[1889]] verkry die BSA Co. per koninklike oktrooi die reg om die administrasie te behartig van die gebied wat oopgestel is danksy die konsessie wat koning [[Lobengula]] op [[30 Oktober]] [[1888]] aan Rudd toegestaan het. Later het die maatskappy die reg verkry om die hele gebied wat noord van die [[Zambezirivier]] en wes van [[Malawi|Njassaland]] onder Britse invloed gekom het, te administreer. Die maatskappy kry ook mynbouregte in [[Noord-Rhodesië]], die Njassaland-protektoraat ([[Malawi]]) en [[Botswana|Betsjoeanaland-protektoraat]].