Die term verbruikersamelewing word veral gebruik deur kritici van die [[vrye mark]], soos dié in die Westerse samelewing. Volgens hulle vind die eensydige fokus op verbruik plaas ten koste van ekologiese, kulturele, sosiale en godsdienstige waardes. Die middelklas"middelmanne" is gewoonlik voorstanders van die verbruikersamelewing, maar hulle gebruik gewoonlik nie die term nie. Hulle word ondersteun deur [[Libertynisme|libertyne]] wat glo dat elkeen self moet besluit of aankope nodig is of nie.<ref name="wikien">[http://en.wikipedia.org/w/index.php?title=Consumerism&oldid=186175864 {{en}} Consumerism. (2008, January 22). In Wikipedia, The Free Encyclopedia. Geraadpleegd op 31 Januarie 2008.]</ref> Sommige navorsers en skrywers, soos Velen, wys ook op 'n sekere geestelike verarming wat verbruikerisme kan behels. Die term "verbruikersisme" word ook gebruik om te verwys na die verbruikersbeweging, die beskerming van die verbruiker. Hierdie bewegings is daarop gemik om verbruikers te beskerm en in te lig deur eerlike inligting, billike verpakking en advertensies, produkwaarborge en verbeterde veiligheidstandaarde te eis. In hierdie sin is dit 'n beweging of beleid wat daarop gemik is om die produkte, dienste, metodes en standaarde van vervaardigers, verkopers en adverteerders in die belang van die koper te reguleer.
