Daryll Cullinan: Verskil tussen weergawes

'''Daryll Cullinan''' (1967-) is 'n voormalige [[Suid-Afrika]]anse [[krieket]]speler wat as spesialis-kolwer vir die [[Proteas]] gespeel het. Van 1993 tot 2001 het hy in 70 [[toetskrieket|toetse]] vir Suid-Afrika uitgedraf en 4&nbsp;554 lopies teen ’n gemiddeld van 44,21 lopies per kolfbeurt aangeteken.<ref name="HAT Taal-en-feitegids">HAT Taal-en-feitegids, Pearson, Desember 2013, ISBN 978-1-77578-243-8</ref> Hy het onder meer tydens die [[Krieketwêreldbeker 1996]] en [[Krieketwêreldbeker 1999]] vir Suid-Afrika gespeel.

As regshandige topordekolwer was hy lank as die "tweede Graeme Pollock" bekend. Hy het egter twee van Pollock se belangrikste rekords verbeter: as jongste krieketspeler wat ’n eersterangse honderdtal aanteken (op die ouderdom van 16 jaar en 304 dae), en as speler wat die hoogste individuele telling in ’n toets (275 nie uit nie) behaal. Al twee rekords is intussen verder verbeter, laasgenoemde in 2012 deur [[Hashim Amla]] teen [[Engelse nasionale krieketspan|Engeland]], waartydens Amla 'n telling van 311 (nie uit nie) aangeteken het.<ref name="youngest">{{Cite web|url=http://www.espncricinfo.com/magazine/content/story/149166.html |title=Wonderbat or Warne's bunny? |accessdate=6 Maart 2017 |work=ESPN CricinfoESPNcricinfo}}</ref>