Verskil tussen weergawes van "Grietjie (kanon)"

(Verbeter)
Maritz se weduwee is in 1839 met Isaak Abraham van Niekerk getroud, wat later bankrot gespeel het. Hy het Grietjie in Januarie 1940 aan die Natalse Volksraad teen 250 riksdaalders verkoop – die kanon het dus staatseiendom geword.
 
Op 4 Mei 1842 het kaptein T.C. Smith [[Port Natal]] met 260 man bereik met die opdrag om die Voortrekkerrepubliek Natalia vir [[Groot-Brittanje|Brittanje]] te annekseer. [[Andries Pretorius]] het met ʼn kommando weerstand gebied deur Smith se kamp by [[Beleg van Congella|Congella te beleër]]. In Pretorius se laer het die kommando begin om kanonkoeëls te giet en selfs kruit te maak. Die artelleriste het die swaar ankerketting van ʼn skip, die [[Mazeppa (skip)|Mazeppa]], opgeëis, dit in stukkies gekap en lood daaromheen gegiet. Tydens hierdie beleg het Pretorius onder meer oor die twee kanonne beskik wat hulle met die [[Slag van Bloedrivier]] gebruik het – Grietjie was een van dié kanonne. Op 23 Mei 1842 het Smith ʼn aanval op die Boerelaer geloods, maar moes onverrigter sake terugval. Boonop het die Boere ook nog twee kanonne van die Britte gebuit.
[[Lêer:Stephanus Schoeman.jpg|duimnael|[[Stephanus Schoeman]]]]
Toe kommandant-generaal [[Piet Potgieter]] in 1854 oorlede is, het die gemeenskap van Soutpansberg [[Stephanus Schoeman]] gevra om hulle nuwe kommandant-generaal te word. Hy is op 1 Junie 1855 ingesweer en het kort daarna die naam Soutpansbergdorp na [[Schoemansdal]] verander.