Fort Frederick: Verskil tussen weergawes

'''Fort Frederick''' in [[Port Elizabeth]] was die eerste permanente militêre basis aan die oosgrens van die [[Kaapkolonie]]. Waarskynlik is dit die oudste nog bestaande gebou uit die Britse koloniale geskiedenis in [[Suider-Afrika]]. Die stad Port Elizabeth het rondom die fort ontwikkel.

Die doel van die fort was Britse magsvertoon in hierdie deel van die kolonie. Die [[Napoleontiese Oorloë|Napoleontiese oorloë]] was in volle gang en 'n Franse landing in hierdie deel van [[Afrika]] was altyd moontlik. Ook was daar onrus onder die burgers van [[Graaff-Reinet]] na die [[Van Jaarsveld-rebellie]]. Daarby was daar juis 'n wankelrige wapenstilstand in die [[Derde Grensoorlog]] (1799–1803).

Hierdie vierkantige klipfort het sye van 24m lank en is 3m hoog. Bouwerk het in Augustus 1799 begin. Eintlik was die fort 'n kompleks van geboue: barakke, vier klein huise vir die offisiere, bakkery, magasyne, smidswinkel, timmermanswerkplaas en 'n kruithuis. In die goed omheinde terrein buite die fort was 'n groot [[groentetuin]] en 'n beeskraal. Agt kanonne het die fort beskerm.

Genl. [[John Ormsby Vandeleur|Vandeleur]] het die leiding by die oprigting geneem, Totdat die Britte in 1802 aan die Kaap onttrek het, was maj. Lemoine met 350 man daar gestasioneer. Thomas I. Ferreira en 'n groep burgers neem in September 1802 die fort oor. En in die tyd skuil eerw. [[James Read]] en dr. [[Johannes Theodorus van der Kemp]] van [[Bethelsdorp]] hier om aan 'n aanval deur die [[Xhosa]] te ontkom. In Mei 1803 besoek die goewewerneur, [[Jan Willem Janssens]], die fort en plaas maj. Von Gilten en 'n Waldeck-regiment hier. Hy word opgevolg deur [[Ludwig Alberti]]. Alberti ontvang [[Jacob Abraham de Mist]] en [[Hinrich Lichtenstein]] en Van der Kemp kom na die fort om De Mist te spreek. By die tweede Britse besetting van die Kaap bly kapt. [[Jacob Cuyler]] in beheer van die fort tot 1816. Kapt. [[Francis Evatt]] is tot 1850 die kommandant en hou toesig oor die landing van die [[Britse setlaars]] in 1820. In 1868 is die troepe onttrek en staan die fort leeg. 'n Dertig jaar later is die kompleks en 4ha grond aan die stad Port Elizabeth oorgedra. Tydens die [[Tweede Wêreldoorlog]] is dit vir 'n tyd weer deur soldate beman.

* Logie, Bartle: Two for the road. In the wagon-tracks of De Mist and Lichtenstein. Hunters Retreat: Bluecliff, 2003. ISBN 0-620-30946-6