'''Regent's Park''' (amptelik '''The Regent's Park''') is een van die Koninklike Parke in die [[Verenigde Koninkryk|Britse]] hoofstad [[Londen]]. Die park met 'n oppervlakte van 166 hektaar is in die noordweste van die stad, noord en oos van die St. Marylebone-buurt, geleë en strek oor twee stadsdele, die [[City of Westminster]] en die Borough of Camden. Die kampus van 'n bekende tersiêre instelling, ''Regent's University London'', en die Londense Dieretuin (''London Zoo'') val binne die parkgebied wat dwarsdeur die jaar oop staan vir die publiek.
Die terrein hetwas oorspronklik deelin uitgemaakkerkbesit, vanmaar is later deur koning [[Hendrik VIII van Engeland|Hendrik VIII]] segekonfiskeer om sy privaat jaggronde uit te brei.<ref>Rob Humphreeys: ''The Rough Guide to London''. New York • London • Delhi: Rough Guides 2003, bl. 340</ref> Hierdie gebied net noord van Sentraal-Londen is in die vroeë 19de eeu deur die argitek en stadsbeplanner John Nash as 'n landskapstuin en ontspanningsgebied vir die koninklike familie en ander adellikes ontwikkel. Nash se oorspronklike ontwerp het voorsiening gemaak vir paleisagtige terrashuise wat die tuin sou omring. Die tuin, wat later ook in ander wêrelddele as 'n model vir stadsbeplanning gedien het,<ref>Deyan Sudjic: ''Design Museum - London in Fifty Design Icons''. London: Conran Octopus 2015, bl. 18</ref> staan sedert 1841 as een van die belangrikste openbare groen ruimtes in Sentraal-Londen oop vir die publiek.
