Salt Lake City: Verskil tussen weergawes

 

'''Salt Lake City''' ''([[Afrikaans]]: Soutmeerstad)'' is die hoofstad en grootste nedersetting in die [[Verenigde State van Amerika|Amerikaanse]] deelstaat [[Utah]]. Dit is vernoem na die gelyknamige soutmeer, ''Salt Lake'' wat langs die stad geleë is. Die stad se oorspronklike naam, ''Great Salt Lake City'', was 'n verwysing na dié meer en is in 1868 verkort tot Salt Lake City. In die sensus van 2010 is die bevolking bepaal as 186 440. Die stad se byname is ''Crossroads of the West'' en ''SLC''.

Die stad is in 1847 gestig deur Brigham Young en ander aanhangers van die [[Kerk van Jesus Christus van die Heiliges van die Laaste Dae]], algemeen bekend as Mormone, wat elders in die Verenigde State aan godsdienstige vervolging blootgestel was en hier 'n veilige toevlugsoord gevind het. Die onherbergsame plek in 'n droë vallei is deur middel van besproeiing in 'n landboustreek omgeskep wat as basis vir latere bevolkingsgroei gedien het. Salt Lake City huisves die internasionale hoofkwartier van die Kerk van Jesus Christus van die Heiliges van die Laaste Dae.