Einstein-Szilárd-brief: Verskil tussen weergawes

Die Einstein-Szilárd-brief is deur Einstein onderteken en teruggestuur aan Szilárd, wat dit op 9 Augustus ontvang het.{{sfn|Lanouette|Silard|1992|p=202}} Szilárd het op 15 Augustus sowel die kort as die lang briewe, sowel as 'n brief van sy eie, aan Sachs gegee. Sachs het die personeel van die [[Withuis]] gevra om 'n afspraak te maak om president Roosevelt te sien, maar voordat een gereël kon word, het die administrasie betrokke geraak by 'n krisis weens die inval van Duitsland in [[Pole]], wat die [[Tweede Wêreldoorlog]] begin het.{{sfn|Lanouette|Silard|1992|p=207}} Sachs het sy afspraak tot Oktober uitgestel sodat die president behoorlik aandag sou kon gee aan die brief en het 'n afsraak op 11 Oktober gekry. Op daardie datum het hy met die president, die president se sekretaris, brigadier-generaal Edwin "Pa" Watson, en twee vakkundiges, Leër-luitenant-kolonel Keith F. Adamson en vlootkommandant Gilbert C. Hoover ontmoet. Roosevelt het die gesprek opgesom as: "Alex, waarna jy soek is om te sien dat die Nazi's ons nie opblaas nie."{{sfn|Hewlett|Anderson|1962|p=17}}

"Ek het hierdie gegewens van so 'n belang gevind dat ek 'n raad saamgestel het wat bestaan uit die hoof van die Buro vir Standaarde en 'n gekose verteenwoordiger van die leër en die vloot om die moontlikhede van u voorstel rakende die element van uraan deeglik te ondersoek."<ref>{{cite web |url=http://www.atomicarchive.com/Docs/Begin/Roosevelt.shtml |title=President Roosevelt's response to Dr. Einstein Letter, Atomic Archive |publisher=Atomic Archive |accessdate=9 Oktober 2013}}</ref>

Einstein het op 7 Maart 1940 en 25 April 1940 nog twee briewe aan Roosevelt gestuur waarin hy gevra word om op te tree rakende kernnavorsing. Szilárd het 'n vierde brief opgestel vir die ondertekening van Einstein wat die president versoek het om met Szilárd te vergader om beleid oor kernenergie te bespreek. Gedateer op 25 Maart 1945 bereik dit Roosevelt nie voor sy dood op 12 April 1945.<ref name="Albert Einstein's Letters"/>